Fota: sud.ua
Kinburnskaja kasa — adzinaje miesca ŭ Mikałajeŭskaj vobłaści Ukrainy, jakoje dahetul zastajecca pad rasiejskaj akupacyjaj, jak piša Bi-bi-si.
«Pa stanie na viečar 07.06 u rajonie vioski Hierojskaje daroha, jakaja źviazvała paŭvostraŭ z macierykom, całkam zatoplenaja — Kinburn adrezany ad vialikaj ziamli», — havorycca ŭ paviedamleńni dziaržpradpryjemstva. Pa źviestkach viedamstva, z kasy da macieryka naziemnym transpartam dabracca ŭžo niemahčyma.
Akramia taho, pradpryjemstva, spasyłajučysia na źviestki aŭtamatyzavanaj sistemy «pažary», apaviaščaje pra maštabnyja lasnyja pažary na paŭvostravie.
Adrazu paśla vyzvaleńnia Chiersona ŭkrainskimi siłami letaś źjavilisia razmovy, što na čarzie i vyzvaleńnie Kinburnskaj kasy. Adnak u nastupnym nijakaj kankretyki pra stanovišča na kasie ŭ publičnaj prastory nie paviedamlałasia.
Jak miarkuje vajenny ahladalnik Rasiejskaj słužby Bi-bi-si Illa Abišaŭ, praryŭ Kachoŭskaj płaciny adkryvaje novyja mahčymaści dla boku ŭ hetaj vajnie, jaki vałodaje inicyjatyvaj, a ŭ hety momant heta vidavočna Ukraina.
«Pierš za ŭsio, źjaŭlajecca šaniec vysadzicca i ŭziać pad kantrol Kinburnskuju kasu — paŭvostraŭ pamiž Čornym moram i Dniaproŭskim zalivam, a taksama vyspy ŭ delcie Dniapra. Rasiejskaj armii budzie vielmi ciažka abaraniać hetyja terytoryi praz prablemy z zabieśpiačeńniem: vielmi vialikaje plačo, a tut jašče i patop», — adznačaje ahladalnik.
