Strawberry Basil Tart

Fota: pbs.org

Kab pryhatavać piroh z kłubnicami i bazilikam, vam spatrebicca:

dla sałodkaha mindalnaha ciesta

  • 1 pačak niesalonaha masła pakajovaj tempieratury,
  • 1 vialiki jaječny žaŭtok,
  • 1/2 šklanki cukrovaj pudry,
  • 1/2 šklanki mołataha mindalu,
  • 1 šklanka + 3 st. ł. muki,
  • drobka soli;

dla zavarnoha kremu z bazilikam:

  • 1 1/2 šklanki małaka,
  • 1/4 šklanki tryśniahovaha cukru,
  • 4 jaječnyja žaŭtki,
  • 1 čajnaja łyžka vanili,
  • 2 st. ł. muki abo kukuruznaha kruchmału,
  • 1 kubak narezanaha baziliku;

dla siropu z baziliku:

  • 1 šklanka vady,
  • 1 1/2 šklanki tryśniahovaha cukru,
  • 1 kubak narezanaha baziliku;

dla topinhu:

  • 650 h śviežych narezanych kłubnic,
  • śviežaje liście baziliku dla ŭpryhožvańnia.

Jak hatavać

Pačynajem z vyrabu asnovy ź ciesta.

  1. Uźbicie masła z cukram. Dadajcie jaječny žaŭtok, mołaty mindal i sol. Dobra źmiašajcie da adnastajnaści. Dadajcie ŭsiu muku i zamiasicie ciesta, ale nie pierastarajciesia, inakš atrymajecca ćviordaja asnova. Sfarmujcie ź ciesta šar, potym raspluščycie jaho ŭ dysk i zaharnicie ŭ polietylen. Achaładzicie nie mienš za hadzinu.
  2. Raskačajcie ciesta pamiž dvuma listami pierhamientnaj papiery, prysypanymi mukoj, da taŭščyni kala pałovy santymietra. Źnimicie vierchni list papiery i, vykarystoŭvajučy nižni list, pierakulicie ciesta ŭ zmazanuju masłam i pasypanuju mukoj mietaličnuju formu dla piraha dyjamietram 20—23 sm. Uciśnicie ciesta ŭ formu (jano pavinna być bolš padobnym da ciesta dla piečyva, čym dla piraha, tamu, kali vam ciažka raskačać jaho hładka, možna prosta rukami ŭcisnuć ciesta ŭ formu. Kali vy tak robicie, starajciesia ŭciskać jaho raŭnamierna, kab asnova dla piraha nie była zanadta toŭstaj ni ŭ adnym miescy). Abrežcie ciesta vyšej za bierah formy. Astudzicie znoŭ nie mienš za 30 chvilin pierad vypiečkaj.
  3. Vyšmarujcie masłam vialiki list pierhamientnaj papiery ci aluminijevaj folhi i pakładzicie jaho na formu dla piraha bokam, zmazanym masłam, uniz. Nasypcie na pierhamient suchoj fasoli, rysu abo pakładzicie ŭciažarvalnik dla pirahoŭ (dla taho, kab korž zachavaŭ formu). Vypiakajcie ŭ papiarednie razahretaj da 190 °C duchoŭcy kala 20 chvilin, zatym źnimicie pierhamient i ŭciažarvalnik. Pastaŭcie znoŭ u duchoŭku jašče na 10—15 chvilin abo pakul ciesta nie stanie śvietła-załacista-karyčnievym. Uvieś čas praviarajcie vypiečku i staŭcie tajmier, bo jano dalikatnaje i lohka moža padhareć.
  4. Dastańcie asnovu dla piraha z duchoŭki i, kali nieabchodna, abrežcie kraj vostrym nažom, kab jon byŭ na adnym uzroŭni ź bieraham formy dla piraha. Rabicie heta, pakul vypiečka jašče ciopłaja. Dajcie karžu całkam astyć, pierš čym jaho dastavać z formy.

 

Krem

  1. Nahrejcie małako i narezanaje liście baziliku na siarednim ahni, pakul małako nie zakipić. Adcadzicie bazilik z małaka i vykińcie liście.
  2. U siaredniaj miscy ŭźbicie jaječnyja žaŭtki, cukar, vanil i muku abo kukuruzny kruchmał da adnastajnaj kremapadobnaj masy. Vielmi akuratna i pavolna ŭlivajcie haračaje małako ŭ jaječnuju sumieś, uvieś čas pamiešvajučy. Dobra miašajcie ciaham niekalkich chvilin, a zatym pieralicie sumieś nazad u tuju ž kastrulu, dzie hrełasia małako z bazilikam. Nahravajcie na siarednim ahni, pakul vadkaść nie pačnie kipieć.
  3. Praciahvajcie varyć kala 5 chvilin da zahuścieńnia, uvieś čas pamiešvajučy, kab nie było kamiakoŭ. Kali vaš krem atrymaŭsia z kamiakami, prosta prapuścicie jaho praź sita. Źnimicie z ahniu i astudzicie.

 

Sirop

Nahrejcie vadu i cukar, pakul jany nie zakipiać i cukar nie rastvorycca. Źnimicie z ahniu i adrazu ž dadajcie narezany bazilik. Pakińcie na noč ci prykładna na 12 hadzin. Pracadzicie bazilik i vykińcie liście.

 

Zborka

Zaraz možna źbirać piroh.

Vykładzicie łyžkaj krem u chałodnuju asnovu, što vy vypiakali. Raskładzicie narezanyja kłubnicy na kremie. Bahata palicie kłubnicy bazilikavym siropam i pasypcie liściem baziliku dla ŭpryhožvańnia. Padavajcie piroh chałodnym.

Bolš letnich receptaŭ:

Recept na vychadnyja. Jahadnyja tartaletki — jarkaja vypiečka dla siezona sadaviny

Sałata z radyski i zielaniny — papaŭniajem zapas vitaminaŭ

Recept dla piknika na vychadnyja. Kuryny šašłyk pa-chutkamu

Клас
4
Панылы сорам
0
Ха-ха
0
Ого
2
Сумна
1
Абуральна
2