NATO zaniepakojena biełaruska-rasijskimi vajennymi vučeńniami «Zachad-2009», jakija prajšli ŭ vieraśni.

Pra heta, jak paviedamlaje ahienctva AFP, zajaviŭ 18 listapada ŭ Brusieli aficyjny pradstaŭnik aljansu Džejms Apaturaj pa vynikach pasiadžeńnia Savieta NATO na ŭzroŭni pasłoŭ 28 krain-členaŭ NATO.

Pavodle jaho słoŭ, udzielniki pasiadžeńnia vykazali zaniepakojenaść

maštabnaściu vučeńniaŭ, jakija stali «samymi bujnymi» paśla zakančeńnia «chałodnaj vajny», i tym, što Rasija nie zaprasiła na vučeńni zamiežnych naziralnikaŭ.

Apaturaj taksama adznačyŭ, što ŭdzielniki pasiadžeńnia vykazali zaniepakojenaść z nahody taho, što scenaryj biełaruska-rasijskich vučeńniaŭ praduhledžvaŭ ataku na Rasiju z boku Zachadu.

Pavodle słoŭ Apaturaja, NATO praciahnie abmierkavańnie hetych vučeńniaŭ i ich mahčymy ŭpłyŭ na adnosiny pamiž aljansam i Rasijaj. Akramia taho, NATO moža zaprasić dadatkovyja rastłumačeńni ŭ suviazi z vučeńniami ŭ rasijskaha boku.

Raniej ministr zamiežnych spraŭ Polščy Radasłaŭ Sikorski napisaŭ list hienieralnamu sakrataru NATO Andersu Foh Rasmusienu, u jakim zaklikaŭ NATO źviarnuć uvahu na biełaruska-rasijskija sumiesnyja vučeńni.

Vučeńni «Zachad-2009» pravodzilisia na terytoryi Biełarusi z 18 pa 29 vieraśnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?