62,8% biełaruskich siemjaŭ ź dziećmi majuć adno dzicia.

Pra heta paviedamiła načalnik adździeła sacyjalna-piedahahičnaj raboty i achovy dziacinstva Ministerstva adukacyi Halina Rudziankova 18 listapada na pres-kanfierencyi ŭ Minsku.

Pavodle jaje słoŭ,

dvuch dziaciej majuć 31,5% ad usich siemjaŭ ź dziećmi, troch dziaciej — tolki 5,7% biełaruskich siemjaŭ. Usiaho ŭ krainie naličvajecca 1 młn. 411 tys. siemjaŭ, u jakich vychoŭvajecca 1 młn. 785 tys. 387 dziaciej da 18 hadoŭ.

Jak paviedamiła Rudziankova, dzieci składajuć amal 18,5% ad usiaho nasielnictva Biełarusi. Letaś kolkaść dziciačaha nasielnictva ŭ krainie praciahvała pamianšacca. Najbolšaje skaračeńnie kolkaści dziaciej za hod — na 6,5 tys. čałaviek — adznačałasia ŭ Viciebskaj vobłaści; najmienšaje — u Minsku, dzie dziciačaje nasielnictva skaraciłasia mienš čym na 2 tys. čałaviek.

Jak zajaviła Rudziankova, pryjarytetnymi kirunkami pracy ź siamjoj źjaŭlajucca «realizacyja minimalnych dziaržstandartaŭ, pakazčykaŭ i jakaści žyćcia siemjaŭ, zabieśpiačeńnie ekanamičnaj samastojnaści, stabilnaści materyjalnaha stanovišča siemjaŭ». Akramia taho, u liku pryjarytetaŭ — «stvareńnie rabotnikam, jakija majuć dziaciej, spryjalnych umoŭ dla spałučeńnia pracoŭnaj dziejnaści z vykanańniem siamiejnych abaviazkaŭ, farmiravańnie sacyjalnaj infrastruktury, sistemy sacabsłuhoŭvańnia siemjaŭ, zabieśpiačeńnia ich sacyjalnaj padtrymki».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?