Sud nad Janaj raspačaŭsia 10 krasavika ŭ Minharsudzie. Dziaŭčynu ŭ žniŭni 2022-ha etapavali z Rasii ŭ Biełaruś, niahledziačy na zabaronu ekstradycyi Kamiteta pa pravach čałavieka AAN. Ciapier jaje abvinavačvajuć pavodle piaci artykułaŭ Kryminalnaha kodeksa, u tym liku ŭ «stvareńni terarystyčnaj arhanizacyi abo jaje kiraŭnictvie». Spravu razhladali ŭ zakrytym režymie.
Pavodle materyjałaŭ śledstva, «Pinčuk bolš za hod zajmałasia dyskredytacyjaj aficyjnaj ułady ŭ internecie i zaklikami da ŭdziełu ŭ masavych akcyjach pratestu». Taksama paviedamlajecca, što Jana prachodzić pa troch epizodach, siarod jakich «pryčynieńnie škody nacyjanalnaj biaśpiecy i kiraŭnictva niezakonnym farmavańniem».
Asudziła Janu Taćciana Falkoŭskaja, piša «Viasna».
Padtrymajcie dziaŭčynu hrašovymi pieravodami, pasyłkami i telehramami: SIZA-1, 220030, h. Minsk, vuł. Vaładarskaha, 2.
