«Kali praz 12 miesiacaŭ my nie zaŭvažym kankretnaha prahresu na šlachu da demakratyzacyi, tady praces zbližeńnia Eŭrasajuzu i Biełarusi nieabchodna spynić», — zajaviŭ prezydent Eŭrapiejskaha parlamentu Ježy Buzek.

«Heta pavinien być apošni šaniec dla režymu Łukašenki (…) Prahres u Biełarusi sapraŭdy vielmi mały, i nas vielmi turbuje, što niama vyraznaj demakratyzacyi», — skazaŭ Buzek u interviju Polskamu radyjo.

17 listapada Rada Eŭraźviazu vyrašyła padoŭžyć na hod vizavyja sankcyi suprać aficyjnaha Miensku da kastryčnika 2010 hodu. Adnačasova hetyja sankcyi zamarožanyja da kastryčnika.

U rašeńni zaznačana, što «z-za adsutnaści tryvałaha prahresu ŭ halinach, akreślenych u rašeńni Rady Eŭraźviazu ad 13 kastryčnika 2008 hodu, Rada nia moža skasavać sankcyi suprać šerahu biełaruskich čynoŭnikaŭ». Ale, «kab schilić biełaruskija ŭłady da prahresu» ŭ halinie demakratyi i pravoŭ čałavieka, Rada vyrašyła zamarozić prymianieńnie vizavych sankcyjaŭ suprać šerahu biełaruskich čynoŭnikaŭ na taki samy peryjad — da kastryčnika 2010 hodu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?