Apošnim časam u centry Kijeva aktyvistki ruchu FEMEN ładziać epatažnyja pratesty. U paniadziełak, 16 listapada, jany praviali akcyju «A-ta-ta» z metaj pryciahnuć uvahu hramadzkaści da seksualnych damahańniaŭ, što adbyvajucca ŭ VNU Ukrainy.

Pad voknami Ministerstva adukacyi i navuki Ukrainy udzielniki akcyi-perfomansu jaskrava prademanstravali, jakim čynam niekatorym studentkam prychodzicca «płacić» za ispyty i za miescy ŭ internatach.

Ruch «Femen» viadomy pa śmiełymi akcyjami suprać sieks-turyzmu i prastytucyi «Ukraina — nie bardel!» i «Ech, zalotnyja!». Udzielnicy ruchu vystupajuć suprać isnujučaj seks-industryi i ŭzdymajuć inšyja «haračyja» dla hramadstva pytańni.

Adhuknulisia «FEMEN» i na prablemu śvinoha hrypu. U paniadziełak, 9 listapada, jany praviali na Majdanie Niezaležnaści akcyju antystresu «Diemarlizacyja».

U siaredzinie dnia niekalki dziaŭčyn raspranulisia ŭ centry horada. Intymnyja miescy jany prykryli bializnaj, jakaja imitavała marlevyja paviazki. Na tvary aktyvistki taksama paviazali marlevyja paviazki. Cieły razmalavali łozunhami «Antyhryp!» i «Antystres!». Aktyvistki imknulisia padbadzioryć kijeŭlan u čas epidemii.

— U suviazi z prablemaj hrypu ŭ hramadztvie mnoha paniki. Palityki śpiekulujuć na hetym. Ludzi sapraŭdy padaŭlenyja, jany nie vychodziać na vulicu, — patłumačyła metu akcyi lider ruchu «FEMEN» Hanna Hucoł. — Takim čynam my chočam danieści da ludziej, što patrebna być viesialejšymi i nie paddavacca panicy.

«My ŭ centry Kijeva, tamu što tut bolš za ŭsio ludziej. Apošnim časam na vulicach horada ludziej mała i my vyrašyli dadać im bolš pazityŭnych emocyj. Asabliva mužčynam,« — kaža Hanna Hucoł.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?