Jaŭhien Žukoŭski. Fota: jaho staronka «Ukantakcie»

Jaŭhien Žukoŭski. Fota: jaho staronka «Ukantakcie»

Minskamu biznesoŭcu Jaŭhienu Žukoŭskamu 44 hady. Rodam jon, pa infarmacyi z sacsietak, z Lidy, ale daŭno žyvie ŭ Minsku, dzie buduje ŭłasny biznes. Jon dyrektar budaŭničaj kampanii «Termatechbud» i, pa biełaruskich mierkach, bujny biznesoviec.

Kampanija isnuje bolš za 14 hadoŭ. Za hety čas jana naładziła stabilnaje supracoŭnictva z Dana Holdings, kampanijaj ź sierbskimi karaniami, jakaja budavała «Dana Moł» i šerah žyllovych kompleksaŭ u Minsku, a ciapier, jak i jaje zasnavalniki, braty Karyčy, uklučana ŭ sankcyjnyja śpisy ES. Pa źviestkach «Zierkała», kampanija Žukoŭskaha dahetul ličycca padradčykam kompleksu «Minsk-Śviet» i była hienieralnym padradčykam kompleksu «Voh» na Makajonka i «Majaka Minska».

U 2017-m Jaŭhien Žukoŭski atrymaŭ uznaharodu ad Sajuza budaŭnikoŭ — nahrudny znak «Za zasłuhi ŭ budaŭnictvie». Heta najvyšejšaja ŭznaharoda, jakuju vydajuć «za ŭzornuju pracu i vysoki asabisty ŭkład u raźvićcio budaŭničaj haliny».

A ŭ vieraśni 2020-ha biznesoŭca adznačyła Pravasłaŭnaja carkva. U dzień aśviačeńnia chrama Uźvižańnia Kryža Haspodniaha ŭ Minsku jaho ŭznaharodzili miedalom ordena śviaciciela Kiryły Turaŭskaha. Zvyčajna jaho vydajuć za achviaravańni na carkvu.

Taksama mužčyna maje žonku i małoje dzicia.

Žukoŭski zatrymany i ciapier znachodzicca za kratami, što stała viadoma paśla pieradačy «Spružyny palityki», jakuju viadzie skandalny prapahandyst Ryhor Azaronak. Artykuł nieviadomy, jak da kanca nieviadoma i toje, ci jość siarod abvinavačańniaŭ palityčnyja artykuły, ale pieraśled ź vialikaj imaviernaściu palityčny.

Reč u tym, što pracaŭniki «Termatechbuda» padtrymali narod Biełarusi ŭ 2020-m i vychodzili na zabastoŭku. Azaronak niekalki razoŭ u svajoj pieradačy nazyvaje biznesoŭca «buržujem» i zmaharom.

Alaksandr Biej. Fota: jahonaja staronka «Ukantakcie»

Alaksandr Biej. Fota: jahonaja staronka «Ukantakcie»

Taksama ŭ siužecie raskazvajuć pra adnaho z kiraŭnikoŭ «Termatechbuda», 46-hadovaha Alaksandra Bieja. Mužčyna rodam z Astraŭca, ale doŭhi čas žyŭ u Kalininhradzie i šmat hadoŭ vałodaje biznesam u śfiery turyzmu i nieruchomaj majomaści. Azaronak abvinavačvaje jaho va ŭdziele ŭ pratestach u 2020 hodzie na pracoŭnym miescy (u zabastoŭcy razam z budaŭnikami). Miarkujučy pa sacsietkach, Alaksandr Biej nie zatrymany.

Čytajcie taksama:

Kolki «budaŭničyja kašalki» Łukašenki vyvieli hrošaj ź Biełarusi i jak ich admyvali

Bankir akazaŭsia za kratami za kamientaryi suprać Łukašenki

KDB unios suŭładalnika Wargaming u śpis «terarystaŭ»

Клас
10
Панылы сорам
13
Ха-ха
10
Ого
9
Сумна
8
Абуральна
55