Łukašysty znajšli novuju pahrozu — heta Paca-Vaca 17

Paca-Vaca i Alaksandr Kupryjanaŭ. Fota: Onliner

Tak zvany «Sajuz błohieraŭ» apublikavaŭ skrynšoty starych dopisaŭ u sacsietkach Alaksandra Kupryjanava, adnaho z aŭtaraŭ teleprahramy «Mulcikłub», jaki paśla jaje zakryćcia zachavaŭ lalku piersanaža Pacy-Vacy. 

U ich jon paraŭnoŭvaje vystupleńnie Łukašenki 16 žniŭnia 2020 hoda z Hiebielsam i Hitleram, a taksama aburajecca prysudžeńniem prapahandystu Ryhoru Azaronku miedala «Za advahu» i nazyvaje taho zadochlikam. Taksama ŭ jaho znajšli reposty «Biełsata», zroblenyja da taho, jak kanał pryznali ekstremisckim.

U dopisie prychilniki Łukašenki nazyvajuć Kupryjanava «aktyŭnym bečebešnikam», jaki «nienavidzić Prezidenta».

«Zavod «Łuč» naležyć šviejcarskaj kampanii, i jana, pa sutnaści, što choča, toje i vyrablaje. Voś i papularyzuje piersanaža.

Što, u nas inšych hierojaŭ niama dla hadzińnika?» — aburajucca łukašysty. 

Jakoje dačynieńnie vobraz Pacy-Vacy maje da dopisaŭ Kupryjanava — pytańnie, jakoje nie asabliva chvaluje «błohieraŭ» u ich baraćbie sa zdarovym hłuzdam.

Paśla jany apublikavali skrynšot repostu svajho dopisu ŭ kanał Azaronka i ŭ podpisie abvinavacili «zachodnija kantorki» ŭ tym, što jany siabie adčuvajuć u Biełarusi zanadta volna.

Prahrama «Mulcikłub» vychodziła na BT na praciahu 14 hadoŭ. Hałoŭny jaje piersanaž — inšapłaniecianin Paca-Vaca, jaki prylacieŭ na Ziamlu i palubiŭ śviet animacyi. Niadaŭna «Naša Niva» rabiła pra jaho rolik u tyktoku.

Nashaniva.com

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH