«Ja ŭžo kazaŭ: zaŭsiody pryjemna vypraboŭvać techniku, jakaja idzie na front, a kali havorka idzie pra techniku ŭkrainskaj vytvorčaści — heta asałoda! Datčanie b skazali: chiuhie».
«Niadaŭna ja abkataŭ ukrainski tank «Apłot», jakija my płanujem zamović dla našaha vojska. Siońnia ž havorka idzie pra ŭkrainski ŭsiudychod «Bahun». Ja ŭ zachapleńni! Vysakakłasnaja mašyna. Kažu nie jak ministr abarony, a jak aktyŭny ŭdzielnik čempijanataŭ Ukrainy pa trofi-rejdach (honkach pa biezdaražy)», — cytuje Reźnikava «Ukrainskaja praŭda».
«Dva takija ŭžo vajujuć u roznych padraździaleńniach. Naprykład, śpiecyjalna dla desantnikaŭ, šturmavikoŭ zrobleny «Bahun» typu «Kabryjalet», dzie prybrali kabinu i naŭzamien abstalavali miescy dla asabistaha składu, zrabiŭšy ź jaje desantnuju mašynu.
Ciapier inšyja padraździaleńni vypraboŭvajuć techniku, staviać roznaha typu ŭzbrajeńni dla vykarystańnia ŭ vajennych dziejańniach. Jość navat viersija miedycynskaha evakuatara. Bolš za toje, jość užo i zajaŭki ad asobnych kamandujučych», — skazaŭ ministr abarony Ukrainy.
