«… Jana bolš nie choča mieć ničoha ahulnaha z akupacyjnym režymam, što isnuje na Biełarusi. Režymam, jaki źniščaje niezaležnaść Biełarusi. Režymam, jaki ŭdzielničaje ŭ akupacyjnaj vajnie. Režymam, jaki zabivaje jaje i inšych palitviaźniaŭ u turmach. Z momantu admovy ad hramadzianstva Palina pierastaje ŭvažać siabie paduładnaj usialakim zakonam akupacyjnaj ułady i admaŭlajecca vykonvać usie patrabavańni […].
Palina padkreślivaje, što zastajecca biełaruskaj i patryjotkaj svajoj Radzimy — Biełarusi i budzie da kanca žyćcia zmahacca za jaje svabodu. Palina prosić mižnarodnyja humanitarnyja i pravaabarončyja arhanizacyi sačyć za jaje losam i zrabić usio mahčymaje dla vyzvaleńnia jaje i ŭsich palitźniavolenych».
Paśla hetaj zajavy Palinu etapavali z kałonii №24 dla prachodžańnia sudova-psichijatryčnaj ekśpiertyzy.
Palinu Šarendu-Panasiuk zatrymali na pačatku studzienia 2021 hoda i zatym asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana pavinna była vyjści letam.
Ale ŭ minułym hodzie jaje asudzili pa art. 411 KK da jašče adnaho hoda kałonii. U krasaviku 2023 hoda suprać jaje zaviali ŭžo novuju spravu za «złosnaje niepadparadkavańnie administracyi kałonii».
Padtrymajcie palitźniavolenuju: PK № 24, 247526, vuł. Vytvorčaja, 44, h. p. Zarečča, Rečycki rajon, Homielskaja vobłaść.
Čytajcie taksama:
Palinu Šarenda-Panasiuk praciahvajuć utrymlivać u karcary. Za hod jana praviała tam 200 sutak
Palitźniavolenuju Šarenda-Panasiuk za dva z pałovaj miesiacy čaćviorty raz upiakli ŭ ŠIZA
Ci časta ŭžo asudžanym palitviaźniam uzmacniajuć pakarańnie?
