U śniežni 2022 hoda Miesi pryvioŭ zbornuju Arhienciny da załatych miedaloŭ čempijanatu śvietu pa futbole. Fota: Petr David Josek / AP
Kab utrymać forvarda zbornaj Arhienciny, kłub źbirajecca prapanavać Lea Miesi 100 miljonaŭ jeŭra. Pra heta napisaŭ u tvitary francuzski ekśpiert Fransua Hałardo.
«Lea Miesi atrymaŭ miehaprapanovu ad PSŽ ab padaŭžeńni kantrakta pa sistemie 1+1. Jon budzie atrymlivać 100 miljonaŭ za siezon. Meta ŭ tym, kab nie dać jamu syści ŭ Saudaŭskuju Araviju», — napisaŭ Hałardo ŭ tvitary.
Jon dadaŭ, što Miesi nie vierniecca ŭ «Barsiełonu», heta vyklučana.
U PSŽ arhienciniec zarablaje 35 miljonaŭ jeŭra ŭ hod.
Apošnija niekalki miesiacaŭ chodziać čutki, što Lijaniel Miesi pakinie PSŽ. U jaho napružanyja stasunki z kiraŭnictvam paryžskaha kłuba, taksama arhiencinca nie zadavalniaje rańni vylet PSŽ u Lizie čempijonaŭ.
Vyłučajucca try viersii dalejšaha losu Miesi: pierajezd u Saudaŭskuju Araviju taksama za rekordnyja hrošy, viartańnie ŭ «Barsiełonu», za jakuju jon hulaŭ 18 hadoŭ, a taksama kantrakt z «Interam» Majami, jakim vałodaje Devid Bekchiem.
Čytajcie taksama:
Lijanel Miesi paprasiŭ prabačeńnia za pajezdku ŭ Saudaŭskuju Araviju
Miesi moža viarnucca ŭ «Barsiełonu». Pryčym jon hatovy pajści na panižeńnie zarobku
PSŽ, zdajecca, znajšoŭ zamienu Lijanelu Miesi
Mbape choča syści z «Pary Sien-Žermien». Kłub nie budzie brać za jaho hrošy
