Źniščalnik F-16. Fota: Wikimedia Commons
Pra heta Mili zajaviŭ pa vynikach pasiadžeńnia kantaktnaj hrupy pa pytańniach Ukrainy ŭ čaćvier, paviedamlaje «Jeŭrapiejskaja praŭda».
Pa słovach top-hienierała ZŠA, adnym z klučavych pytańniaŭ u pieradačy Ukrainie F-16 było zabieśpiačeńnie kantrolu za pavietranaj prastoraj.
«Samy chutki i tanny sposab abaranić pavietranuju prastoru —rabić heta ź ziamli i vykarystoŭvać efiektyŭnyja naziemnyja sistemy SPA. Heta najbolš efiektyŭny šlach pieraškodzić rasiejcam atrymać pieravahu ŭ pavietry, i jakraz heta my rabili», — skazaŭ jon.
Pa jaho słovach, pieradača 10 źniščalnikaŭ F-16 moža abyjścisia ŭ 2 miljardy dalaraŭ, uklučajučy techničnaje absłuhoŭvańnie.
«U rasiejcaŭ — tysiačy samalotaŭ-źniščalnikaŭ čaćviortaha i piataha pakaleńniaŭ. Tamu kab supraćstajać im u pavietry, patrebnaja istotnaja kolkaść źniščalnikaŭ čaćviortaha i piataha pakaleńniaŭ», — dadaŭ Mili.
Jon, adnak, adznačyŭ, što ŭ budučyni F-16 buduć hrać rolu ŭ składzie Vajenna-pavietranych sił Ukrainy, ale na toje, kab pabudavać pavietranyja siły nieabchodnaha abjomu i mahutnaści, sydzie značnaja kolkaść času.
Raniej kiraŭnik Pientahona Łojd Ościn vykazaŭ nadzieju na toje, što navučańnie ŭkrainskich lotčykaŭ piłatavańniu źniščalnikami F-16 pačniecca ŭ najbližejšyja tydni. Ukrainskija piłoty buduć prachodzić navučańnie na źniščalnikach F-16 na vajskovych bazach u Jeŭropie, jak zajaŭlaŭ Pientahon.
