Skryn videa mierkavanaj ataki marskoha drona na rasijski karabiel «Ivan Churs»
Na kadrach bačna, što nadvodny dron dapłyvaje ŭščylnuju da vajskovaha karabla, jaki vonkava nahadvaje «Ivan Churs».
Učora Minabarony Rasii ŭ paviedamleńni ab atacy nazvała jaje «biespaśpiachovaj», bo try drony byli źniščanyja. U jakaści dokazaŭ było apublikavanaje videa, ale na im bačny vybuch tolki adnaho ź ich.
Krynicy «Ukrainskaj praŭdy» ŭ vajskovych kołach paćvierdzili praŭdzivaść videa, jakoje raspaŭsiudžvajecca ŭ siecivie, i zajavili, što rasijski raźviedvalny karabiel «Ivan Churs» atrymaŭ paškodžańni ŭ vyniku ataki marskich dronaŭ.
«Nie zatanuŭ, ale papadańnie było, jość značnyja paškodžańni korpusa i abstalavańnia. Ciapier rasijanie jaho śpiešna ramantujuć», — skazała krynica.
