«Śviataja Trojca» Andreja Rublova
«Abraz «Śviataja Trojca» Andreja Rublova nie padlahaje vydačy za miežy Traćciakoŭskaj halerei na śviata Siomuchi 4 červienia hetaha hoda z-za składanaha i niestabilnaha stanu, a taksama niepradkazalnaści pracesu niehatyŭnych źmien. Ciapier abraz znachodzicca ŭ restaŭracyjnaj majsterni ŭ pracesie nieadkładnaj restaŭracyi pomnika», — pryvodzić «Interfaks» vytrymki z pratakoła pasiadžeńnia ekśpiertaŭ.
U RPC, jak pišacca, pastavilisia da rašeńnia z razumieńniem.
«Umovy zachoŭvańnia pavinny być zabiaśpiečany ŭ lubym miescy —choć u Traćciakoŭskaj halerei, choć u Trajeckim sabory łaŭry, i tut nie miesca važna, a jakaść toj kapsuły, u jakuju abraz budzie źmieščany», — zajaviŭ kiraŭnik ekśpiertnaha savieta Maskoŭskaha patryjarchata pa carkoŭnym mastactvie, architektury i restaŭracyi protaijerej Leanid Kalinin.
Nahadajem, što ŭ mai Uładzimir Pucin vyrašyŭ pieradać «Trojcu» Andreja Rublova RPC u adkaz «na prośby viernikaŭ».
Abraz Andreja Rublova «Trojca» — adna z samych viadomych jaho prac, napisanaja ŭ XV stahodździ. Da revalucyi 1917 hoda abraz zachoŭvaŭsia ŭ Troica-Sierhijevaj łaŭry, a potym saviecki ŭrad pieradaŭ jaho ŭ Traćciakoŭskuju halereju.
U minułym hodzie, niahledziačy na piarečańni restaŭrataraŭ, abraz užo pieradavali Carkvie na dva dni dla pakłanieńnia viernikaŭ. Paśla hetaha śpiecyjalisty naličyli na im 61 novaje paškodžańnie.
Čytajcie taksama:
Pucin pieradaŭ RPC abraz Rublova nazaŭždy, choć prasili tolki na dva tydni
i ŭ rasiei nie ŭsio stračana jašče) ludzi ŭsiudy jość
heta sapraŭdny šedeŭr mastactva. i jon nie musić pakidać ścieny navukovaj ustanovy, dzie pra jaho naležnym čynam zmohuć pakłapacicca