Znachodzicca retryt-centr pad nazvaj Rapanui place u Čašnickim rajonie Viciebskaj vobłaści, u vioscy Biełaja Carkva. Hety nasieleny punkt viadomy tym, što ŭletku tut pravodzicca muzyčny fest SPRAVA. Hałoŭnaja słavutaść vioski znachodzicca na paŭvostravie, akružanym Čarejskim vozieram — mienavita tut raźmiaściłasia Trajeckaja carkva. Adlehłaść ad Minska składaje 163 kiłamietry.
U abjavie paviedamlajecca, što prajekt byŭ zapuščany ŭ 2021 hodzie i za minuły čas vyras ad namiotavaha łahiera da paŭnavartasnaha ŭładkavanaha kompleksu dla praviadzieńnia retrytaŭ. U instahramie kompleksu možna znajści fotaspravazdačy ź joha-terapii, urokaŭ miedytacyi, dzion cišyni, kursaŭ pa ćvikastajańni i inšych papularnych ciapier praktyk.
Na ŭčastku płoščaj 4 hiektary raźmiaścilisia 4 damy kupalnaha typu (u ich možna spyniacca kruhły hod), 10 siezonnych hlempinh-šatroŭ, jakija mohuć vykarystoŭvacca ŭ ciopły čas hoda, kaviarnia, krama cudaŭ (krama spadarožnych tavaraŭ), uładkavany pirs dla praviadzieńnia praktyk i adpačynku i hryl-zona.
Što da vyhod, to ŭ retryt-centry jość usie nieabchodnyja kamunikacyi (elektryčnaść, ułasnaja śvidravina, aciapleńnie, internet).
Adznačajecca, što ŭčastak znachodzicca ŭ doŭhaterminovaj arendzie i maje jurydyčny status ahrasiadziby.
U apisańni centra zhadvajecca šyrokaja baza klijentaŭ (1000+ čałaviek), raskručanaja staronka ŭ Instagram (5,5 tysiačy padpisčykaŭ), vybudavanaja sistema pracy dla praviadzieńnia štotydniovych retrytaŭ i zdačy ŭ arendu hłempinh-šatroŭ, nastrojeny markietynh dla pryciahnieńnia klijentaŭ.
«Kirunak johi i retryt-centaŭ tolki pačynaje ŭ poŭnaj miery raźvivacca. Ale ŭ nas užo ciapier atrymałasia stvaryć nie tolki pieršy joha-retryt-centr u Biełarusi, ale i źviazać razam duchoŭny składnik i prybytkovuju biznes-madel, jakaja pracuje», — padkreślivajecca ŭ abjavie.
Košt hatovaha biznesu — 350 tysiač dalaraŭ.
a ja, naiŭnaja, dumała, što duchoŭny składnik - to biaspłatna... + tabie jašče j piačeńku daduć