Tamboŭskaja, Kalininhradskaja, Chimkinskaja

Dziesiać z adzinaccaci novych vulic buduć znachodzicca ŭ mikrarajonie indyvidualnaj zabudovy «Baranavičy-11». Tam vulicy prapanujuć nazvać u honar haradoŭ-pabracimaŭ Hrodna. 

Voś ich śpis: Vałahodskaja, zavułak Vałahodski, Habalinskaja, zavułak Habalinski, Kalininhradskaja, Tamboŭskaja, Tuapsinskaja, Uchcinskaja, zavułak Uchcinski, Chimkinskaja. Usie harady-pabracimy, za vyklučeńniem adnaho, znachodziacca na terytoryi RF. Tolki horad Habała znachodzicca ŭ Azierbajdžanie.

Adznačym, što ŭ Hrodnie ŭžo jość šerah vulic, jakija nosiać nazvy ŭ honar haradoŭ-pabracimaŭ horada (Biełastockaja, Limoža, Druskienickaja, Alituskaja). Ale hetyja nazvy vulicy atrymlivali ŭ roznyja časy, dy i sami vulicy znachodziacca ŭ roznych častkach horada. U vypadku z «Baranavičami-11» miascovyja ŭłady prapanujuć stvaryć ceły kvartał, u jakim adrazu niekalki vulic buduć nazvanymi ŭ honar rasijskich haradoŭ.

Svaje prapanovy pa nazvach vulic haradziency mohuć nakiroŭvać na elektronnuju poštu adździeła ideałahičnaj raboty i pa spravach moładzi Hrodzienskaha harvykankama: [email protected]. Prapanovy prymajucca da 15 maja.

Uschodniaja abo Prytyckaha

Paralelna z hetym na sajcie telekanała «Hrodna Plus» idzie hałasavańnie pa nadańni nazvy novamu ŭčastku kalcavoj darohi ad vulicy Karskaha da mikrarajona Zabałać. Dla ŭčastka darohi daŭžynioj amal 4 km prapanujuć dźvie nazvy na vybar:
vulica Uschodniaja kalcavaja abo vulica Prytyckaha. 

Skrynšot z sajta grodnoplustv.by pa stanie na 9:00 04.05.2023

Skrynšot z sajta grodnoplustv.by pa stanie na 9:00 04.05.2023

Pa stanie na 9 ranicy 4 maja ź nievialikim adryvam pieramahaje Uschodniaja vulica. Za hety varyjant prahałasavali 51,2% udzielnikaŭ, a za Prytyckaha — 48,8%.

Čytajcie taksama: 

U Hrodnie carskija kazarmy rekanstrujujuć pad elitnaje žytło

Na Lidčynie supracoŭnikaŭ dziaržustanoŭ prymušajuć admaŭlacca ad karty palaka. Pry admovie pahražajuć zvalnieńniem

U Jeŭropu bieź vizy i čerhaŭ na miažy. Što pahladzieć u Hrodnie i rajonie 

Клас
1
Панылы сорам
15
Ха-ха
2
Ого
1
Сумна
3
Абуральна
40