Zatrymanyja ŭ Breście — Jahor Daševič i Alaksandr Zanoŭski

Zatrymanyja ŭ Breście — Jahor Daševič i Alaksandr Zanoŭski

U videa HUBAZiKa havorka idzie pra 28-hadovaha pradprymalnika z Pinska Jahora Daševiča i 37-hadovaha ajcišnika z Bresta Alaksandra Zanoŭskaha. Ich vinavaciać u kamientarach, jakija ŭ asnoŭnym tyčacca vajny va Ukrainie: abodva mužčyny krytykavali dziejańni biełaruskich uładaŭ.

Daševič pachodzić ź Pinska, ź siamji nastaŭnikaŭ. U dziacinstvie jon udzielničaŭ u alimpijadach, a paśla pastupiŭ u Pinski piedahahičny kaledž. Ciapier zajmajecca piśmovym i vusnym pierakładam na zamovu.

Zanoŭski z Bresta, zajmajecca raspracoŭkaj sajtaŭ. Zhodna ź infarmacyjaj sajta Dissidentby, mužčyna ŭ SIZA-7 u Breście z 10 sakavika 2023 hoda. Jaho vinavacili ŭ «abrazie Łukašenki» — pa źviestkach «Viasny», sud nad im adbyŭsia 27 krasavika, ale vynik jaho nieviadomy.

Akaŭnty abodvuch mužčyn stvoranyja daŭno i nazyvalisia ichnimi imionami. Takim čynam, hubazikaŭcam, vyhladaje, było nieskładana adšukać mužčyn.

Historyja nazvaŭ akaŭntaŭ mužčynaŭ

Historyja nazvaŭ akaŭntaŭ mužčynaŭ

Dyk jak abaranicca ad takoj deananimizacyi ŭ Telegram?

Varta zapomnić ahulnyja praviły, jakija dazvolać uskładnić vašu deananimizacyju:

  1. Kali vy nie pamiatajecie, ci nazyvaŭsia akaŭnt vašymi sapraŭdnymi imiem i proźviščam, to varta vydalić akaŭnt i stvaryć jaho nanova.
  2. Kali vaš akaŭnt stvorany da 2020-ha hoda, to-bok da momantu, kali Telegram dadaŭ mahčymaść chavać numar u pošuku, to varta źmianić akaŭnt.
  3. Kali vy pisali ŭ «Čornuju knihu Biełarusi» (u pieryjad ź vieraśnia 2020-ha da lipienia 2021-ha) abo ŭ boty «Biełarusi hałaŭnoha mozha» i «Niechty» (u sakaviku-mai 2021-ha), to varta vydalić vaš akaŭnt i stvaryć jaho nanova.
  4. Kali vy stvarali pratesnyja stykiery abo Emoji, to lepš pierastvaryć vaš akaŭnt — u vypadku zatrymańnia heta stanie viadoma.
  5. Kali ŭ vašych kołach jość palityčna aktyŭnyja ludzi, to vydalajcie ź imi ŭsiu pierapisku i abmiarkujcie, što nie budziecie dadavać ich u kantakty i jany vas taksama. Z vašaha «pratesnaha» akaŭnta nie varta pierapisvacca z kalehami, svajakami abo inšymi ludźmi, jakija nie trymajucca bazavych praviłaŭ infarmacyjnaj biaśpieki.
  6. Maje sens chacia b raz na niekalki miesiacaŭ mianiać (vydalać i stvarać nanova) vaš «pratesny» akaŭnt.
  7. Lepš stvarać akaŭnty na virtualnyja numary i padumać pra toje, kab naładzić «partyzanski telehram». 

Pamiatajcie, što nie isnuje idealnaj abarony i absalutnaj ananimnaści i biaśpieki ŭ internecie. 

Jak vydalić akaŭnt u Telegram i stvaryć jaho nanova na virtualny numar — pakrokavy hajd

Taksama ŭ Biełarusi jość inicyjatyva, da jakoj možna źviarnucca pa kansultacyi nakont vašaj infarmacyjnaj biaśpieki: SyberBeaver (bot dla suviazi).

Čytajcie taksama:

Ja vydaliŭ Telegram-akaŭnt. Ja ŭ biaśpiecy?

Jakaja infarmacyja z Nexta i BHM mahła apynucca ŭ rukach łukašenkaŭcaŭ i što rabić biełarusam, jakija tudy pisali

Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć

Клас
29
Панылы сорам
4
Ха-ха
2
Ого
1
Сумна
11
Абуральна
5