Fota: pres-słužby milicyi
Kiroŭca fury «Volva», jaki źjechaŭ ź miesca śmiarotnaha DTZ u Vilejskim rajonie, zatrymany paśla viartańnia ŭ Biełaruś, paviedamlaje «Minskaja praŭda».
U kancy sakavika ŭ Vilejski RAUS pastupiła paviedamleńnie, što pablizu vioski Ščarka na abočynie darohi znojdzieny trup 62-hadovaha miascovaha žychara. Na ciele ŭ jaho byli charakternyja dla DTZ paškodžańni.
Apieratyŭniki vyjavili niekalki płastykavych askiepkaŭ ad aŭtamabila. Pieršapačatkova było niezrazumieła, jakomu elemientu aŭto jany naležać. Ale karpatlivaja praca dała vynik.
Askiepki byli identyfikavanyja jak častki vialikahruza «Volva». Znajšli aŭtapojezd ź litoŭskaj rehistracyjaj, jaki jechaŭ u toj čas u Litvu. Kiroŭca paśpieŭ vyjechać. Adnak adrazu paśla viartańnia ŭ Biełaruś 52-hadovaha žychara Zasłaŭja zatrymali. Jon pryznaŭsia, što ździejśniŭ najezd.
Śledčymi zaviedzienaja kryminalnaja sprava za parušeńnie praviłaŭ darožnaha ruchu, što paciahnuła pa nieaściarožnaści śmierć čałavieka.
Čytać taksama:
U Rasii druhakłaśnik ździejśniŭ suicyd z-za niazroblenych urokaŭ
Biełarus i ŭkrainka zahinuli ŭ aŭtakatastrofie, jedučy sa spatkańnie
U Aŭstryi biełarus na fury ŭrezaŭsia ŭ lehkavik, za rulom jakoha byŭ 87-hadovy miascovy žychar
