Fota: vecteezy
Na mihreń pakutuje, pa roznych danych, ad 7 da 10% žycharoŭ płaniety; pryčym u žančyn jana sustrakajecca ŭ try razy čaściej, a spadčynny faktar tut hraje vialikuju rolu. Hałaŭny bol pry mihreni moža doŭžycca ad niekalkich hadzin da niekalkich dzion zapar, a častymi spadarožnikami mohuć vystupać młosnaść i pavyšanaja adčuvalnaść da śviatła i hukaŭ.
Atogepant, niadaŭna ŭchvaleny ŭ ZŠA dla darosłych pacyjentaŭ z chraničnaj mihreńniu, raspracavany kampanijaj Abbvie i pradajecca pad handlovaj markaj Qulipta. Heta častka adnosna novaha kłasu lekaŭ ad mihreni, jakija nazyvajucca inhibitarami CGRP (calcitonin gene-related peptide ci pieptyd, źviazany z hienam kalcytaninu).
CGRP — heta białok, jaki hraje klučavuju rolu ŭ zapusku i padtrymańni mihreni i inšych chraničnych typaŭ hałaŭnoha bolu. Tabletki byli ŭpieršyniu zaćvierdžanyja amierykanskim rehulataram u 2021 hodzie dla prafiłaktyki epizadyčnych mihreniaŭ (ad 4 da 14 dzion na miesiac).
U bujnamaštabnych kliničnych vyprabavańniach na pacyjentach z epizadyčnymi mihreniami Atogepant prykmietna skaraciŭ kolkaść dzion ź mihreńniu ŭ paraŭnańni z płaceba (prykładna na dva dni mienš pry samych vysokich dozach). Hetaje novaje daśledavańnie, u jakim pryniali ŭdzieł kala 300 čałaviek, razhladała ŭ pryvatnaści vypadki, kali pacyjenty nie reahavali na inšyja leki. Preparat taksama vyjaviŭsia biaśpiečnym i dobra pieranosicca, pryčym najbolš raspaŭsiudžanymi pabočnymi efiektami byli zapor i młosnaść, jakija zakranali da 10% pacyjentaŭ.
Novyja vyniki pavinny jašče być apublikavanyja ŭ adnym z recenzavanych navukovych časopisaŭ, što źjaŭlajecca važnaj častkaj navukovaha pracesu. Ale amierykanski rehulatar užo pahadziŭsia pašyryć pakazańni dla prymianieńnia preparatu, dazvoliŭšy jaho vykarystańnie dla prafiłaktyki jak epizadyčnych, tak i chraničnych mihreniaŭ (heta mihreni, na jakija pacyjenty pakutujuć 15 i bolš dzion na miesiac). Preparat budzie zaćvierdžany ŭ dozie 60 milihramaŭ na sutki (najvyšejšaja dazvolenaja daziroŭka) dla tych, chto prymaje jaho dla prafiłaktyki chraničnaj mihreni.
Choć Atogepant i inšyja CGRP-leki sapraŭdy zrabili krok napierad u lačeńni mihreni, jany majuć vysokuju canu, adznačaje Gizmodo. Biez strachoŭki košt tabletak moža siahać vyšej za 1000 dalaraŭ na miesiac dla tych, chto maje ŭ ich patrebu, choć niekatoryja inšyja preparaty CGRP kaštujuć tańniej.
Čytajcie taksama:
Daśledavańni aśpirynu vyjavili novyja cikavyja fakty
Hałava balić. Čamu i što rabić?
Navukoŭcy, jakija vyjavili pieršapryčynu mihreni, atrymali samuju prestyžnuju premiju ŭ halinie niejrabijałohii
