U «pacyjenta z proźviščam Babaryka 1963 hoda naradžeńnia», jaki pastupiŭ u navapołackuju balnicu, «uziatyja analizy, pravodzicca miedycynskaje abśledavańnie», paviedamiła «Pozirku» krynica, jakaja pažadała zastacca nienazvanaj.
Pavodle infarmacyi inšaj krynicy, «mahčyma, u lohkich u Babaryki vyjaŭlenaja vada».
26 krasavika 2023 hoda «Rabočy ruch» raspaŭsiudziŭ infarmacyju pra toje, što źniavoleny palityk trapiŭ u balnicu.
27 krasavika ŭ navapołackaj centralnaj haradskoj balnicy «Radyjo Svaboda» paćvierdzili, što Viktar Babaryka ŭ ich. «Babaryka ŭ chirurhii», — adkazali ŭ špitali.
«Miedyjazonie» ŭ balnicy dadali, što stan palityka zadavalniajučy.
Śviatłana Cichanoŭskaja zapatrabavała, kab Babaryku publična prademanstravali, pakazaŭšy, u jakim jon stanie, i dapuścili da jaho advakataŭ i svajakoŭ.
«Lubyja inšyja dziejańni, — zajaŭlaje Cichanoŭskaja, — buduć traktavacca jak naŭmysnaje pryčynieńnie škody žyćciu i zdaroŭju».
Čytajcie taksama:
«Uvieś čorny». Što apošniaje było viadoma pra Viktara Babaryku ŭ navapołackaj kałonii
U Viciebsku masava zvalniajuć ludziej, jakija padpisvalisia za Viktara Babaryku — pravaabaroncy
Mianiajuć kiraŭnika navapołackaj kałonii, dzie siadziać Babaryka i Łosik
