Niekalki razoŭ dziciaci rabili hastraskapiju. Daśledavańnie štoraz pakazvała, što ŭ straŭniku ŭ chłopčyka ježa, choć toj śćviardžaŭ, što ničoha nie jeŭ. Tolki treciaje dyjahnastyčnaje daśledavańnie dazvoliła z upeŭnienaściu kazać, što sprava ŭ biezaary — ščylnym skapleńni častkova pieravaranych i niepieravaranych reštkaŭ, piša «Narodnaja Vola».
U vyniku vyrašyli zrabić chirurhičnaje ŭmiašańnie. Biezaar łamali i dastavali pa častkach. Jon byŭ pamieram z paŭstraŭnika.
«Najbolš raspaŭsiudžanyja fitabiezaary, jany składajucca ź niepieravaranych častak sadaviny i aharodniny, takich jak klatčatka, łupiny i nasieńnie. Sustrakajucca i trychabiezaary — skapleńnie vałasoŭ… U našaha pacyjenta heta byli reštki ježy, na jakija nalipli žujki i šałupińnie ad siemak, nitki ad švedraŭ. Što stała puskavym miechanizmam dla źjaŭleńnia biezaara ŭ dziciaci, skazać składana, — razvažaje doktar-endaskapist Dźmitryj Kryviecki. — Časam dastatkova ŭtvarycca navat nievialikaj «harošynie» z čaścicami ježy abo vałasoŭ u straŭniku, na jakuju budzie nalipać toje, što traplaje ŭ hety orhan. Ale ŭsio ž taki nie varta kidacca ŭ paniku i pieražyvać, kali niespadziavana prahłynieš tuju ž žujku».
Biezaar utvarajecca niačasta. Sioleta heta pieršy vypadak u Hrodzienskaj dziciačaj balnicy.
U 2022-m ich było dva. U dziaŭčynak, starejšych za 10 hadoŭ, u straŭnikach byli kamiaki z vałasoŭ. Pryčym kožnaje inšarodnaje cieła važyła bolš za kiłahram.
Čytajcie taksama:
Paradantoz spryčyniaje i inšyja chvaroby: navat paskaraje demiencyju
