Karym Masimaŭ. Fota: tengrinews.kz

Karym Masimaŭ. Fota: tengrinews.kz

Karym Masimaŭ byŭ pryznany vinavatym u dziaržaŭnaj zdradzie, hvałtoŭnym zachopie ŭłady i pieravyšeńni ŭłady dy słužbovych paŭnamoctvaŭ. Jon taksama pažyćciova pazbaŭleny prava zajmać pasady na dziaržsłužbie i pazbaŭleny ŭsich zvańniaŭ i dziaržaŭnych uznaharod.

Karym Masimaŭ — adzin z najbližejšych paplečnikaŭ byłoha prezidenta Kazachstana Nursułtana Nazarbajeva. Pry im jon dvojčy, u 2007-2012 i 2014-2016 hadach byŭ premjer-ministram krainy, a ŭ pramiežku pamiž hetym, u 2012-2014 hadach, uznačalvaŭ prezidenckuju administracyju. Z 2016 hoda i da studzieńskich padziej 2022-ha hety čałaviek uznačalvaŭ Kamitet nacyjanalnaj biaśpieki Kazachstana (anałah našaha KDB).

U nulavyja hady jon peŭny čas razhladaŭsia jak adzin z najbolš vierahodnych pierajemnikaŭ Nazarbajeva, adnak, jak havaryli, jamu mocna pieraškadžali čutki pra jahonaje nibyta nie kazachskaje, a ujhurskaje pachodžańnie: u Kazachstanie heta maje niemałoje značeńnie. Choć, viadoma, na toje byli, vidać, i bolš surjoznyja padstavy.

Karym Masimaŭ straciŭ svaju vysokuju pasadu 5 studzienia 2022 hoda, padčas masavaha pratesnaha ruchu ŭ Kazachstanie. Nieŭzabavie paśla taho jon byŭ uziaty pad vartu i suprać jaho raspačali kryminalnuju spravu. Mnohija analityki razhladajuć jahony pieraśled u kantekście zmahańnia ciapierašniaha kazachstanskaha lidara Kasym-Žamarta Takajeva sa spadčynaj svajho papiarednika, tak zvanaj «dejełbasizacyjaj» krainy.

Čytajcie taksama:

Byłoha ŭładalnika «Makdonaldsa» ŭ Biełarusi asudzili da 8 hadoŭ turmy

Kazachstan upieršyniu adpraviŭ naftu šlacham, alternatyŭnym Rasii, praz Kaśpijskaje mora

Pieršy prezident Kazachstana Nursułtan Nazarbajeŭ upieršyniu źjaviŭsia na publicy paśla apieracyi na sercy

Клас
5
Панылы сорам
0
Ха-ха
3
Ого
2
Сумна
1
Абуральна
0