Hetym razam Ihara Bortnika asudzili pa artykule 19.11 KaAP za znojdzienyja ŭ jaho padpiski na telekanał «Biełsat» i Symbal.by na Youtube.
U Ihara Bortnika surjoznyja prablemy sa zdaroŭjem. Niekalki miesiacaŭ da aryštu jon prachodziŭ doŭhuju i składanuju reabilitacyju paśla nie vielmi ŭdałaj apieracyi pa lačeńni mižpazvanočnaj hryžy. Ciapier jamu balić śpina, siadzieć bolš za paŭhadziny jon nie moža, treba ŭstavać i ruchacca.
Bolš-mienš prystojny stan udavałasia padtrymlivać z dapamohaj mocnych abiazbolvalnych, bieź jakich jon nie moža paŭnavartasna spać. Miž tym tam u jaho dostupu da ich niama, a pieradač dla Bortnika nie prymajuć nijakich, navat hihijeničnych.
Akramia taho, viadoma, što za kratami ŭ pačatku druhoha administracyjnaha terminu navukoviec pieranios hipiertaničny kryz, bo maje prablemy i ź ciskam.
Usio heta padčas suda nazyvałasia i paćviardžałasia adpaviednymi daviedkami, ale pad uvahu sudździoj uziata nie było. Sudziła Ihara Bortnika hetym razam sudździa Taćciana Chrypač. Sud vioŭsia praz skajp.
Raniej taksama paviedamlałasia, što padčas adbyćcia aryštu ŭ Ihara Bortnika zabrali 300 rubloŭ u jakaści kampiensacyi za danat na fejsbuku.
Kandydat fiłasofskich navuk z Połacka Ihar Bortnik byŭ zatrymany 29 sakavika padčas abłavy na supracoŭnikaŭ Połackaha historyka-kulturnaha zapaviednika. Spačatku jamu prysudzili 10 sutak administracyjnaha aryštu, paśla — jašče 13.
Čytajcie taksama:
U navukoŭca Ihara Bortnika za kratami značna pahoršyŭsia stan zdaroŭja
Stali viadomyja prysudy niekatorym połackim muziejščykam, a taksama śpis zatrymanych
Prajšli pieratrusy i zatrymańni siarod połackich muziejščykaŭ
