Fota: Wikimedia Commons
U jakaści alternatyŭnaha pastaŭščyka razhladajecca Kazachstan, jaki vyrablaje paradku 40% suśvietnaha ŭranu. Pa słovach vykanaŭčaha dyrektara kazachstanskaj dziaržaŭnaj kampanii «Kazatampram» Jaržana Mukanava, hieapalityčnaja niavyznačanaść mianiaje płyni jadziernaha paliva, padachvočvajučy niekatorych vytvorcaŭ stvarać zapasy.
«My rychtujem našy zapasy da zdabyčy, kab mieć mahčymaść adkazać na zapyty rynku», — adznačyŭ jon, padkreśliŭšy, što ŭ hetym hodzie Kazachstan płanuje padtrymlivać vytvorčaść paliva na ŭzroŭni 22 tysiač ton.
ZŠA taksama majuć namier pamienšyć zaležnaść ad rasijskaha ŭzbahačanaha ŭranu, adnak, jak miarkuje Bloomberg, heta nie zmahło strymać imklivy rost ekspartu jadziernaha paliva z Rasii. Pavodle prahnozaŭ Suśvietnaj jadziernaj asacyjacyi, popyt na ŭran u śviecie vyraście na tracinu da 2030 hoda.
Ministerstva enierhietyki ZŠA ŭ lutym zajaviła, što sprabuje znajści alternatyvy rasijskim pastaŭkam uzbahačanaha ŭranu dla AES. Pamočnik kiraŭnika amierykanskaha enierhietyčnaha viedamstva ŭ mižnarodnych spravach Endru Łajt tady adznačyŭ, što Złučanyja Štaty ciapier zaležać ad Rasii ŭ płanie pastavak 20% uzbahačanaha ŭranu, jaki vykarystoŭvajecca ŭ kamiercyjnych jadziernych reaktarach, što «niestabilna sa stratehičnaha punktu hledžańnia». Łajt padkreśliŭ nieabchodnaść «skaračeńnia zaležnaści ad rasijskaha i kitajskaha ŭranu».
Čytajcie taksama:
Chto pierapradaje biełaruski les u Jeŭrasajuz i ci zamiašany tut «Pinskdreŭ»
Kazachstan upieršyniu adpraviŭ naftu šlacham, alternatyŭnym Rasii, praz Kaśpijskaje mora
