Z 31 sakavika pa 8 krasavika ŭ Dana Mall byŭ abjaŭleny Vielikodny tydzień. «Jak havorycca, kali ŭ Vielikodny tydzień ščyra, ad usioj dušy, zahadać žadańnie, to jano abaviazkova zbudziecca!» — paviedamlaŭ HZC.
Akramia majstar-kłasaŭ, śpiektaklaŭ i inšych zapłanavanych mierapryjemstvaŭ, kamanda dekarataraŭ, prajekciroŭščykaŭ, dyzajnieraŭ i mastakoŭ stvaryła i realizavała novuju ekspazicyju, prymierkavanuju da śviata.
Kali zajści ŭ HZC praz hałoŭny ŭvachod, pieršaje, što kidajecca ŭ vočy, — podyum, na jakim lažyć plecienaje hniazdo z aranžavym jajkam u centry.
Za im znachodziacca nie mienš pryvabnyja instalacyi: siem kampazicyj u formie jajka. Usie jany roznych pamieraŭ i adroźnivajucca dekoram.
Tak, u adnym ź ich možna ŭbačyć stoł, za jakim siadziać zajčyki ŭ roznakalarovym adzieńni z pendźlami ŭ rukach. A na stale ŭ ich stajać słoiki z ałoŭkami i farbaj.
U inšym jajkapadobnym domiku pad nazvaj «Vučelnia» zajčyk siadzić za stałom i razmaloŭvaje vielikodnyja jajki roznakalarovymi ałoŭkami.
Akramia hetaha, na imitavanym podyumie možna zaŭvažyć młyn-viatrak, łužok z kuračkami, jakija ruchajucca, sabačku ź jajkam u zubach i zajca, jaki vitaje naviedvalnikaŭ, z košykam, taksama napoŭnienym nieadjemnymi atrybutami śviata — farbavanymi jajkami.
Tradycyjna kamanda dekarataraŭ dla afarmleńnia ekspazicyi zadziejničała nie tolki pieršy pavierch, ale i šklanuju stol. Tak, padniaŭšy trochi hałavu, možna ŭbačyć azdoblenyja roznakalarovyja jajki, ružovyja zvanočki i karciny.
Čytajcie taksama:
«Našy movy źlivalisia ŭ adnu». U Łodzi biełarusy i palaki razam sustreli Vialikdzień
Recepty vielikodnaha stała: krašanki, paska, zapiečanaje miasa
