Studentka Julija Karłoŭskaja chacieła zarabić 150 dalaraŭ, a siońnia šukaje 10 tysiač, kab pahasić doŭh pierad padatkovaj inśpiekcyjaj. Jana adhuknułasia na abjavu, u jakoj prapanoŭvali dapamahčy z razmytnieńniem aŭtamabila ź Jeŭropy. Takija abjavy zjaŭlajucca ŭ internecie ci nie kožny dzień. Nijakaj pracy, usio prosta i biaśpiečna, śćviardžajuć «pracadaŭcy».
«Nasamreč, vy razmytnili elektramabil, cana jaho ad 30 da 200 tysiač dalaraŭ, i nie maje značeńnia, što mašyna nie ŭ vašym aŭtaparku i kalasić navat nie pa Biełarusi, prykładna praz hod vam pryjdziecca spravazdačycca pierad padatkovaj. I suma padatku vas ździvić. Dziasiatki ašukanych tolki ŭ Breście», — paviedamlaje ANT.
Pavodle dakumientaŭ, jurydyčna ŭsie ašukanyja ŭvozili aŭtamabili Tesla jak dla siabie. Dla hetaha byli nieabchodnyja pašparty i prysutnaść pry razmytnieńni.
Mytnaja pošlina i zbor, a taksama PDV na ŭvoz elektramabilaŭ u Biełarusi nie vypłačvajucca, a voś u Rasii płacić treba. Tamu pierahonščyki afarmlajuć aŭto na biełarusaŭ. I pierapraŭlajuć dalej, nie pastaviŭšy navat na ŭlik. A biełarusy zastajucca biez transpartu i z daŭhami.
Na pryhonie darahich aŭto zarablajuć hrupy ašukancaŭ, a traplajucca ŭ ich pastku davierlivyja biełarusy. Milicyja kryminalnyja spravy nie raspačynaje. Nibyta sastavu złačynstva niama — usie, chto paciarpieŭ, mašyny na siabie afarmlali dobraachvotna. A ciapier nie viedajuć, jak dakazvać, što aŭtamabil nie kuplali.
Advakat Siarhiej Sobal miarkuje, što mahčymaje vyjście — źviartacca ŭ sud.
Čytajcie taksama:
Kolki adna i taja ž mašyna z prabieham kaštuje ŭ Biełarusi, Litvie, Polščy i Rasii
«Pradajecca ŭ suviazi ź pierajezdam». Ci šmat biełarusaŭ pradaje mašyny z-za emihracyi?
Prodažy novych aŭtamabilaŭ u Biełarusi abrynulisia na 80% — BAA
