Na dumku analitykaŭ, Maskva moža akazać cisk na Biełaruś z metaj atrymańnia dadatkovych intehracyjnych sastupak na padstavie abarony Sajuznaj dziaržavy ad zajaŭlenych zachodnich «vajskoŭcaŭ i/abo terarystyčnych pahroz».
«Kreml praciahvaje sproby vykarystoŭvać jadziernyja pahrozy dla strymlivańnia pieradačy Zachadam vajskovaj dapamohi Ukrainie napiaredadni zapłanavanaha kontrnastupleńnia Ukrainy», — havorycca ŭ čarhovaj zvodcy.
Aŭtary nahadvajuć šerah zajaŭ ministra abarony RF Siarhieja Šajhu ŭ kantekście raźmiaščeńnia taktyčnaj jadziernaj zbroi ŭ Biełarusi.
«Ministr abarony Rasii Siarhiej Šajhu abhruntavaŭ pastanovu Rasii raźmiaścić taktyčnuju jadziernuju zbroju ŭ Biełarusi, abvinavaciŭšy NATA ŭ aktyvizacyi bajavoj padrychtoŭki i vyviedvalnaj dziejnaści la miež Rasii i Biełarusi, i abvinavaciŭ Zachad u eskałacyi vajny va Ukrainie šlacham pieradačy dadatkovaj vajskovaj dapamohi Ukrainie 4 krasavika. Šajhu ŭzmacniŭ isnyja rasijskija jadziernyja pahrozy, zajaviŭšy, što Biełaruś maje ŭdarnyja samaloty ź jadziernaj zbrojaj i sistemy «Iskander-M», zdolnyja nanieści jadzierny ŭdar. Šajhu taksama zajaviŭ, što 3 krasavika biełaruskija rakietnyja vojski pačali padrychtoŭku ŭ Rasii pa ekspłuatacyi sistem «Iskander-M», uklučajučy prymianieńnie taktyčnaj jadziernaj zbroi. Zajavy Šajhu nie ŭtrymlivajuć nijakaj novaj infarmacyi ab biełaruskaj padrychtoŭcy i, vierahodna, źjaŭlajucca častkaj infarmacyjnaj apieracyi», — adznačajuć jany.
«Aktyvizacyja rytoryki Šajhu ab jadziernym šantažy supadaje z ustupleńniem Finlandyi ŭ NATA i novym pakietam dapamohi ZŠA Ukrainie. ISW praciahvaje ličyć, što ryzyka jadziernaj eskałacyi zastajecca vielmi nizkaj i što rasijskaje razhortvańnie taktyčnaj jadziernaj zbroi ŭ Biełarusi małavierahodna paŭpłyvaje na realii pola boju va Ukrainie. Razhornutaja ŭ Biełarusi rasijskaja jadziernaja zbroja, akramia taho, amal napeŭna zastaniecca pad kantrolem rasijskaha piersanału, pastajanna dysłakavanaha ŭ Biełarusi», — miarkujuć u ISW.
Šajhu: Samaloty biełaruskaj šturmavoj avijacyi atrymali zdolnaść nieści jadziernyja zarady
Piaskoŭ adkazaŭ na pytańnie pra toje, chto budzie kantralavać jadziernuju zbroju ŭ Biełarusi
