Fota Vojteka Kanieŭskaha
Art-rezidencyi ŭ Muziei sučasnaha mastactva ŭ Varšavie źjaŭlajucca častkaj bolš bujnoha prajekta «Muziej ahulnaha karystańnia», jaki realizujecca kanfiederacyjaj jeŭrapiejskich muziejaŭ L'internationale u ramkach prahramy «Kreatyŭnaja Jeŭropa».
Sabranyja rezidentami idei i raspracavanyja farmaty dziejnaści stanuć składnikami prahramy hetaha muzieja, a taksama buduć uklučanyja ŭ mižnarodnuju sietku abmienu dośviedam adnosna mastactva i kultury jak klučavych elemientaŭ demakratyčnaha hramadstva.
Udzielnikami prapanavanaj stažyroŭki mohuć być mastaki, kuratary, tvorcy, jakija z-za vajny ci palityčnaj situacyi pakinuli svaje krainy i nie mohuć tam tvorča vystupać.
Realizavać jaje možna na praciahu 4 miesiacaŭ u 2023 hodzie (maj — žnivień i vierasień — śniežań).
Achvotnym skarystacca hetaj mahčymaściu da 11 krasavika treba zapoŭnić formu anłajn-zajaŭki i dałučyć:
- reziume i partfolia ŭ farmacie PDF (da 5 MB) abo ŭ vyhladzie spasyłki na sajt;
- ideju prajekta, jaki vy chočacie raźvić u ramkach rezidencyi (PDF, maksimum 5 MB).
Forma i pradstaŭlenyja materyjały nieabchodna adpravić na polskaj abo anhlijskaj movie.
Bolš padrabiazna pra heta možna daviedacca tut.
Čytajcie taksama:
Rada kultury abviaščaje konkurs. Tvorcy mohuć atrymać da 60 000 jeŭra na prajekt
