Fota: sol.de
Pa infarmacyi niamieckaj palicyi, pažar uźnik u kabinie hruzavika prykładna ŭ 14:45. U hety čas fura znachodziłasia na stajancy «Hołden Brem» pry trasie A6. Ahoń vielmi chutka achapiŭ furu, jana zhareła całkam. Ad ahniu paciarpieli taksama mašyny, jakija stajali pobač.
Inšyja dalnabojniki źniali na videa pačatak pažaru. Vidać, što kiroŭca padpalenaj fury paciarpieŭ ad ahniu. Jon paśpieŭ vyskačyć z mašyny, byŭ biez vopratki.
Paciarpiełaha 40-hadovaha vadziciela evakujavali ź miesca zdareńnia ŭ balnicu na vyratavalnym viertalocie. Niamieckaja presa paviedamlaje, što kiroŭcu dastavili ŭ apiokavuju kliniku ŭ Ludvihschafienie.
Fota: sol.de
Palicyja zajaviła, što rasśledavańnie pryčyn zdareńnia praciahvajecca. «Hancavicki čas» sa spasyłkaj na čaty dalnabojščykaŭ piša, što vidavočcy paśpieli spytać u paciarpiełaha kiroŭcy, što adbyłosia. Toj patłumačyŭ im, što pastaviŭ čajnik, paśla čaho zdaryŭsia vybuch: mahčyma, vybuchnuŭ hazavy bałon.
Fota: sol.de
Čytajcie taksama:
Biełaruski dalnabojnik paškodziŭ bienzakałonku ŭ Hiermanii
Biełarusa, jaki padazrajecca ŭ rabavańni, zatrymali ŭ Polščy praz try hady
