Lidar hramadzianskaj kampanii «Jeŭrapiejskaja Biełaruś» Andrej Sańnikaŭ
«Terytoryja Biełarusi siońnia bieź pierabolšańnia ŭjaŭlaje pahrozu ŭsiamu śvietu. Heta nie pahroza Ukrainie, a pahroza Jeŭropie i śvietu ŭ dźviuch płoskaściach: płany raźmiaścić jadziernuju zbroju i isnavańnie na miežach Jeŭropy takoha niebiaśpiečnaha abjekta, jakim zjaŭlajecca Astravieckaja AES, dzie ŭvieś čas adbyvajucca avaryi», — skazaŭ Sańnikaŭ.
Palityk zhodny sa śćviardžeńniem, što Pucin moža nanieści jadzierny ŭdar z terytoryi Biełarusi, a nie Rasii.
«Kali ŭdar pa jeŭrapiejskich dziaržavach budzie naniesieny z terytoryi Biełarusi, NATA naŭrad ci stanie adkazvać na jaho Rasii. Dy i ŭdar pa Ukrainie nie stanie padstavaj dla nieadkładnaha jadziernaha adkazu, bo Ukraina nie zjaŭlajecca siabram NATA», — kaža jon.
Sańnikaŭ prapanuje sklikać Radu Biaśpieki AAN dla razhladu pahroz mižnarodnaj biaśpieki i ličyć, što miechanizm procidziejańnia jadziernaj pahrozie z terytoryi Biełarusi moža być dastatkova surjoznym.
«Miechanizm moža być dastatkova surjoznym. Pačynajučy z sankcyj i zakančvajučy ŭviadzieńniem miratvorčych sił. Prama treba skazać, što takija jadziernyja dziaržavy, jak ZŠA, Vialikabrytanija i Francyja, nie vykanali svaich abaviazańniaŭ pa Budapiešckim miemarandumie. Heta była zdrada nie tolki Ukrainy, ale i Biełarusi, jakaja taksama padpisała Budapiešcki miemarandum, u jakim nas zapeŭnivali, što buduć pryniatyja ŭsie miery dla zabieśpiačeńnia terytaryjalnaj cełasnaści i suvierenitetu dziaržaŭ, jakija admovilisia ad jadziernaj zbroi», — skazaŭ Sańnikaŭ.
