«My płanujem u najbližejšyja hady admovicca ad tradycyjnaha papiarovaha recepta i całkam pierajści na elektronny. My časam niedaaceńvajem ličbavuju hatoŭnaść našych pacyjentaŭ», — cytuje Ruzanava Sputnik Biełaruś.
Dyrektar RNCP miedtechnałohij raspavioŭ i pra prajekty dla hadžetaŭ, jakija dazvolać daktaram kantralavać pacyjentaŭ. Pa słovach Ruzanava, važna, kab pacyjent moh atrymać z mabilnaha dadatku svaju ambułatornuju kartu.
Upieršyniu ab pierachodzie na elektronnyja miedkarty zahavaryli bolš za dziesiać hadoŭ tamu. Ale pastanova Ministerstva achovy zdaroŭja, jakaja rehłamientuje taki pierachod, była pryniataja tolki ŭ 2021 hodzie. U dakumiencie prapisana, što danyja kožnaha pacyjenta buduć znachodzicca ŭ elektronnaj sistemie achovy zdaroŭja biez dublavańnia na papiarovych nośbitach. Taksama pastanova praduhledžvaje źjaŭleńnie funkcyi elektronnaha ličbavaha podpisu.
Čytajcie taksama:
Minzdaroŭja moža zabaranić stamatałohijam vykarystoŭvać renthien. Praŭda, nie ŭsim
