Fota: pixabay
Siońnia na vulicach, u kaviarniach i spartyŭnych załach možna časta pabačyć ludziej sa šmatrazovymi butelkami dla napojaŭ. Takija rečy dapamahajuć vyrašyć prablemu zabrudžvańnia Ziamli płastykam. Adnak nam davodzicca mirycca ź miljonami bakteryj u takoj butelcy.
Hazieta Daily Mail sa spasyłkaj na niadaŭnija navukovyja daśledavańni napisała, što ŭ šmatrazovych butelkach (asabliva ŭ tych, što z nosikam) źbirajecca ŭ siarednim kala 20,8 młn bakteryj. Kali butelku ŭvohule nie myć, to ich moža stać u 40 000 razoŭ bolš, čym na siadzieńni ŭnitaza.
Padčas analizu raznastajnych šmatrazovych butelek było vyjaŭlena dva vidy bakteryj: hramadmoŭnyja pałački i bacyły,— jakija mohuć pryvieści da ŭźniknieńnia cełaha šerahu surjoznych zachvorvańniaŭ.
«Daśledčyki jakaści pavietra z amierykanskaj łabaratoryi EmLab P&K śćviardžajuć, što na adnym kvadratnym santymietry šmatrazovaj butelki mieścicca kala 300 000 bakteryj», — piša Daily Mail.
Adnak dokazaŭ, što takija mikroby mohuć nanieści škodu čałavieku, niama. Vialikaja kolkaść mikraarhanizmaŭ moža być prosta z-za taho, što posud daŭno nie myŭsia, adnak navat paśla hetaha jon nieabaviazkova niasie ryzyku.
I ŭsio ž taki ŭ adnym mierkavańni navukoŭcy sychodziacca całkam: šmatrazovyja butelki treba abaviazkova rehularna myć z myjnym srodkam.
Čytajcie taksama:
Łobna-skronievaja demiencyja. Što za chvaroba, na jakuju chvareje Brus Uilis?
