«My, zrazumieła, nie chočam, kab chtości, akramia nas, da jaho dabraŭsia», — skazaŭ Kirbi.
Raniej pradstaŭnik Pientahona hienierał Patryk Rajder zajaviŭ, što bieśpiłotnik, jaki paciarpieŭ krušeńnie, nie akazaŭsia ŭ rukach rasijskich vajskoŭcaŭ.
Raniej u rasijskich pravajennych telehram-kanałach źjaviŭsia aŭdyjazapis, na jakim čuvać, jak niejkija ludzi viaduć pieramovy na ruskaj movie ab padniaćci sa dna niekatorych abłomkaŭ drona. U pryvatnaści, śćviardžajecca, što ŭdałosia padniać «kažuch ruchavika ŭnutranaha zharańnia». Hetyja źviestki nie paćvierdžany aficyjna.
Ułady ZŠA abiacali apublikavać kadry ź incydentam, adnak pakul niezrazumieła, ci idzie havorka pra fotazdymki albo videazapisy.
ZŠA zajavili, što ich raźviedvalny bieśpiłotnik MQ-9 Reaper sutyknuŭsia z rasijskim źniščalnikam Su-27 u niebie nad niejtralnaj častkaj Čornaha mora i zatym upaŭ u vadu. U rasijskim Minabarony admaŭlajuć fakt sutyknieńnia i śćviardžajuć, što dron lacieŭ z vyklučanymi transpondarami ŭ bok anieksavanaha Kryma.
Čytajcie taksama:
