Paviedamlajecca, što abvinavačany ŭ vieraśni 2021 hoda na piersanalnaj staroncy ŭ sacyjalnaj sietcy ŭkantakcie raźmiaściŭ kamientaryj u dačynieńni da supracoŭnika Kamiteta dziaržaŭnaj biaśpieki Respubliki Biełaruś, «jaki niehatyŭna aceńvaje jaho, tym samym abraziŭ pradstaŭnika ŭłady ŭ suviazi z vykanańniem im słužbovych abaviazkaŭ».
Uličvajučy, što hety mužčyna maje na ŭtrymańni čaćviarych małaletnich dziaciej, sud pryznačyŭ jamu na padstavie art. 369 Kryminalnaha kodeksa Respubliki Biełaruś pakarańnie ŭ vyhladzie abmiežavańnia voli na termin 3 hady biez nakiravańnia ŭ papraŭčuju ŭstanovu adkrytaha typu sa štrafam u pamiery 100 bazavych vieličyń.
Ni proźvišča abvinavačanaha, ni proźvišča abražanaha kadebešnika ŭ artykule rajonki nie nazyvajecca, ale, miarkujučy pa tym, kali było ździejśnienaje inkryminavanaje dziejańnie, i ź inšych ahulnych abstavin spravy, padobna, što mužčynu asudzili pa «spravie Zielcera», a jaho krytyčnyja kamientaryi tyčylisia zahinułaha padčas pierastrełki ŭ minskaj kvatery supracoŭnika KDB Dźmitryja Fiedasiuka.
Paźniej «Viasna» paviedamiła, što asudžanaha zavuć Arciom Ancič, a spravu suprać jaho razhladaŭ sudździa Alaksandr Tarasiuk.
Čytajcie taksama:
