Bi-bi-si ŭ svajoj pieradačy Fifth Floor abmiarkoŭvała Biełaruś i biełaruskich udzielnikaŭ supracivu rasijskaj ahresii va Ukrainie. Hety aŭdyjapadkast na anhlijskaj movie byŭ apublikavany 10 sakavika na aficyjnym sajcie Bi-bi-si.
U im žurnalisty ahienctva Franak Amidzi i Hienadź Kot (uradženiec Biełarusi sa Słužby manitorynhu Bi-bi-si) razmaŭlali pra połk Kalinoŭskaha, «Kibierpartyzanaŭ» i ciapierašniaje stanovišča biełarusaŭ va Ukrainie.
Padčas razmovy Amidzi nazyvaje Biełaruś «krainaj, jakaja dazvalaje vykarystoŭvać svaje terytoryi dla transpartavańnia zbroi i vojska dla ažyćciaŭleńnia rasijskaj ataki», a kalinoŭcaŭ — biełaruskimi dobraachvotnikami, «jakija całkam padparadkavanyja ŭkrainskamu kamandavańniu i jakija zmahajucca suprać Rasii».
«Misija pałka Kalinoŭskaha — heta vyzvaleńnie Biełarusi praz vyzvaleńnie Ukrainy. Inšymi słovami, źniščeńnie prarasijskaha režymu ŭ Biełarusi šlacham dapamohi ŭkraincam u pieramozie nad rasijanami», — kankretyzuje Hienadź Kot.
«Połk składajecca z dvuch bataljonaŭ, i my viedajem, što tam znachodziacca sotni biełarusaŭ. Mnohija, kaniešnie, dumajuć, što ich tam kala paŭtary tysiačy, adnak hetaja ličba, vierahodna, pierabolšana. Jon [połk] dastatkova mały, kab surjozna ŭpłyvać na chod vajny, ale biełaruskija vajary zmahalisia ŭ šmatlikich haračych miescach: u Bučy, Irpieni, Lisičansku i Bachmucie. Jon maje simvaličnaje značeńnie dla biełarusaŭ i ŭkraincaŭ», — praciahvaje Kot.
Žurnalist taksama dadaje, što da kalinoŭcaŭ niadaŭna dałučyłasia hrupoŭka «Kibierpartyzany», jakaja dapamahała biełaruskim pratestoŭcam zmahacca suprać režymu Łukašenki paśla vybaraŭ 2020-ha, a z pačatkam vajny aktyŭna sadziejničała namahańniam rejkavych partyzanaŭ parušyć łahistyku rasijskaj armii na terytoryi Biełarusi.
Pry hetym jon adznačaje, što, niahledziačy na poŭnuju padtrymku pałka z boku Ukrainy, Kijeŭ nie žadaje vieści nijakich aficyjnych pieramoŭ sa Śviatłanaj Cichanoŭskaj.
«Jana pradstaŭlaje apazicyju ŭ vyhnańni za miažoj i, na dumku mnohich ukrainskich analitykaŭ, nie maje nijakaha ŭpłyvu na Biełaruś. Plus da ŭsiaho Kijeŭ nie choča pravakavać Łukašenku, jaki choć i daje terytoryi Rasii, ale nie daje joj svajo vojska», — padkreślivaje Hienadź Kot.
«U toj ža čas palityčny ŭpłyŭ pałka Kalinoŭskaha raście, i jon całkam padtrymlivajecca ŭkrainskimi ŭładami. Kalinoŭcy zajaŭlajuć pra svaje palityčnyja ambicyi i ŭžo budujuć aljansy z takimi asobami, jak Zianon Paźniak i inšyja. Łukašenka ž razhladaje połk jak pahrozu i sprabuje zmahacca ź imi praz padkantrolnyja ŚMI, praz zaviadzieńnie kryminalnych spraŭ i praź cisk na ich blizkich i svajakoŭ», — padahulniaje žurnalist.
Pry hetym u aŭdyjapadkaście padkreślivajecca, što, niahledziačy na faktar pałka Kalinoŭskaha (jakomu niadaŭna spoŭniŭsia hod), šmat u kaho ź biełarusaŭ uźnikajuć prablemy va Ukrainie.
Žurnalisty pryvodziać u prykład toje, što pry pradjaŭleńni dakumientaŭ ab biełaruskim pachodžańni hramadzianam Biełarusi, naprykład, mohuć admović u niekatorych pasłuhach abo nie dać sieści na volnaje miesca ŭ aŭtobusie.
Čytajcie taksama:
Dvaccać dva bajcy pałka Kalinoŭskaha atrymali miedali za bajavyja zasłuhi ad Rady BNR
Nia treba zabyvać, što jość jašče bataljon terror, pahonia, bdk, a taksama biełarusy jakija prosta vajujuć ŭ inšych padradzieł zsu. a jašče mnohija paviarnucca kali nadydzie bližej da vyzvaleńnia Biełarusi!
Nia chapaje tolki lehitymnaści, treba nie zaihryvać z adyjoznymi ukr. palitykami a vyznać uładu Cichanoŭskaj razam z usim śvietam, kab usie ličylisia zakonnaj armijaj Biełarusi i mieli mižnarodnaje prava atakavać samaahałošany łukałend