Aleh Syčoŭ i Nastaśsia Pilko byli zatrymanyja pa spravie ab dyviersii suprać rasijskaha samalota-navodčyka na aeradromie Mačuliščy
Paśla repartaža dziaržaŭnych ŚMI, u jakim nazvali imiony zatrymanaj u vioscy Čarciaž siamiejnaj pary, «Naša Niva» zmahła adšukać infarmacyju pra ich. Havorka idzie pra 41-hadovuju Nastaśsiu Pilko i 47-hadovaha Aleha Syčova. Proźvišča Nastaśsi jość u śpisach udzielnikaŭ dačnaha kaapieratyva «Biarozavy Haj», u jaje tam dača.
Aleh naradziŭsia ŭ Krasnajarsku, ale ŭ nulavych pierajechaŭ u Biełaruś i ŭžo atrymaŭ hramadzianstva. U 2005 hodzie ŭ Rasii suprać jaho zavodzili kryminalnuju spravu pa artykule «Niezakonnaje našeńnie, vytvorčaść abo prodaž chałodnaj zbroi». Apošnim časam jon pracavaŭ drukarom u vydaviectvie «Źmicier Kołas».
Nastaśsia ž karennaja biełaruska. Jana šmat dzie pracavała, ale apošniaje viadomaje miesca pracy — dyrektarka drukarni AAT «Elektronny ahient».
Pa infarmacyi pravaabaroncaŭ, aboje jany ciapier znachodziacca ŭ SIZA KDB. Admietna, što jany adzinyja biełarusy, čyje imiony prapahandystka ź dziaržaŭnaha TV nazvała ŭ roliku pra ataku ŭ Mačuliščach. Tvaraŭ ich nie pakazali, jak i kadraŭ zatrymańnia ci videa dopytu.
Na videa z zatrymańniem hramadzianina Ukrainy Mikałaja Šviaca siłaviki ŭvachodzili ŭ adkrytyja dźviery dačnaha doma.
Zatrymanaja para maje dvaich niepaŭnaletnich dziaciej. Što ź imi i dzie jany — nieviadoma.
Zrešty, my nie možam z dakładnaściu śćviardžać i toje, ci sapraŭdy zatrymali Pilko i Syčova. Ani kadraŭ ich zatrymańnia, ani videa ich dopytu nie pakazali.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie jašče:
Łukašenka: DRŁA A-50 atrymaŭ «drapiny i adnu praboinu ŭ korpusie»
Novyja padrabiaznaści pra ataku na samalot u Mačuliščach: prapahandysty nazvali novyja imiony
Minuła 4 dni, jak KDB zabraŭ vydaŭca Źmitra Kołasa. Źviazana sa spravaj pra Mačuliščy?
