Asacyjacyja padtrymlivaje i prasoŭvaje biznes, jaki viadziecca sumlennymi biełarusami.

AVVA akazvaje ekśpiertnyja kansultacyi, zabiaśpiečvaje pravavuju padtrymku ŭ asablivaściach viadzieńnia biznesu. Zajmajecca łabiravańniem, advakatavańniem, pradstaŭnictvam i abaronaj pravoŭ dy intaresaŭ biełaruskaha biznesu ŭ isnaj hieapalityčnaj situacyi.

Taksama sadziejničaje ŭ pryciahnieńni finansavańnia dla biznesu, startapaŭ i biznes-idej (inviestycyi, hranty, pazyki, ablahčeńnie kredytavańnia šlacham stvareńnia miechanizmu harantyjnaha fondu, premii ŭ konkursach biznes-prajektaŭ dy inšaje).

Asacyjacyja daje mahčymaść nabyćcia mižnarodnych kantaktaŭ, pošuku partnioraŭ, mientaraŭ, suinviestaraŭ, biznes-prajektaŭ i finansavańnia, abmien dośviedam u biznes-supolnaści, siarod pradstaŭnikoŭ biznesu, jakija majuć ahulnyja kaštoŭnaści i prajšli akredytacyju ŭ AVVA.

«Biełarusy majuć vialiki pradprymalnicki patencyjał. Ale biełaruski biznes praz režym i źviazanyja ź im sankcyi maje kiepskuju reputacyju.

Tamu nieabchodna stvarać pazityŭny imidž i prasoŭvać intaresy zakonnaha, lehalnaha i etyčnaha biznesu, jaki viadziecca biełaruskimi pradprymalnikami dziela dabrabytu biełarusaŭ i ekanamičnaha raźvićcia novaj Biełarusi jak niezaležnaj demakratyčnaj krainy», — tak abaznačajuć misiju asacyjacyi jaje stvaralniki.

Pradstaŭnikom asacyjacyi ŭ Litvie, Łatvii i Estonii staŭ vice-prezident ABBA Siarhiej Naŭrodski.

Čytajcie taksama: 

«Dla nie IT-kampanii rełakacyja praktyčna niemahčymaja». Što adbyvajecca ź biznesam u Biełarusi i čamu «start z nula» ŭ inšaj krainie heta vyjście — mierkavańnie

Litoŭskaja čyhunka zatrymała 15 vahonaŭ ź biełaruskimi ŭhnajeńniami

Štat EPAM u Biełarusi letaś skaraciŭsia napałovu. A litoŭskaja kamanda vyrasła ŭ 4,5 raza

Клас
6
Панылы сорам
1
Ха-ха
1
Ого
1
Сумна
1
Абуральна
0