Namieśnik kiraŭnika Minsielhascharča Vadzim Šahojka padzialiŭsia z prysutnymi dobraj navinoj:
u Biełarusi dastatkova i ciaplic, i pradukcyi, što vyroščvajecca ŭ adkrytym hruncie, kab na praciahu hoda zabiaśpiečvać biełarusaŭ na 100%.
Ale jość naviny i horšyja:
nie ŭsie ciaplicy abstalavanyja sučasnymi technałohijami dadatkovaha aśviatleńnia, jakoje nieabchodna dla vytvorčaści ahurkoŭ i pamidoraŭ u zimovy pieryjad.
Tamu i ŭźnikaje pytańnie zabieśpiačeńnia nasielnictva śviežaj harodninaj u mižsiezońnie, ź listapada pa luty. I ničoha nie zastajecca, jak jaje impartavać.
Va ŭradzie doŭha dumali, što rabić z hetaj prablemaj, i ŭ vyniku pryjšli da vysnovy, što
treba madernizavać ciapličnyja haspadarki i pa mahčymaści zabiaśpiečyć ich technałohijami dla dastatkovaha aśviatleńnia kultur. Taksama płanujecca dadatkovaje budaŭnictva novych sučasnych ciaplic.
Ale nie ŭsio tak drenna, bo, pavodle Šahojki, letam i vosieńniu biełaruskaja harodnina idzie navat na ekspart.
Što ž tyčycca chałodnaha siezona, to pakul ciaplicy buduć pierabudoŭvacca, bieź impartu ahurkoŭ i pamidoraŭ z adpaviednymi cenami abyścisia budzie składana.
Čytajcie taksama:
«ES źniziŭ abjom vytvorčaści». Kiraŭnik MARH patłumačyŭ, čamu hurki ŭ krainie pa 16 rubloŭ
simju
a prostyja biełarusy ŭ vyniku atrymajuć tolki šče bolš darahi ah urok
niezdarma, vidać, lotali ŭsim dvorcom u 3imbabvE - bo banany ŭdvaja bolš tannyja za ahurki