«Na žal, pryjšłosia amputavać abiedźvie stupni. Apieracyja prajšła biez ekscesaŭ, u cełym arhanizm idzie na papraŭku. Ciapier idzie baraćba za ruki. Raman u śviadomaści. Ahulny stan palapšajecca. Ale jon praciahvaje znachodzicca ŭ reanimacyi pad pilnym nahladam daktaroŭ», — skazała krynica TASS
Ab špitalizacyi ź pnieŭmanijaj 45-hadovaha rasijskaha fihurysta stała viadoma 10 studzienia. «Daktary kažuć, što heta nie kavid. Padčas vystupaŭ u šou jon pakašlivaŭ, ale tempieratury nie było, tamu jon nie źviartaŭsia pa dapamohu, bo nie było na toj momant pryčyn dla turbot», — adznačaŭ tady chareohraf šou Maksim Staviski.
Ale ŭžo tady jaho stan acanili jak ciažki.
Ramana padklučyli da aparata EKMA (ekstrakarparalnaj miembrannaj aksihienacyi), jaki vykarystoŭvajecca ŭ vypadku raźvićcia vostraj dychalnaj niedastatkovaści. U fihurysta dyjahnastavali adnabakovuju pnieŭmaniju i hryp.
Praz dva tydni Kastamarava adklučyli ad aparata EKMA, adnak jamu patrabavaŭsia aparat ŠVŁ. Na niejki čas spartoviec trapiŭ u komu.
Na minułym tydni stała viadoma, što ŭ Kastamarava raźviłasia hanhrena i jość niebiaśpieka amputacyi. Adznačałasia, što daktary adkładvajuć apieracyju z-za bojazi, što Kastamaraŭ moža jaje nie pieražyć z-za nadta ciažkaha stanu.
***
Kastamaraŭ — čempijon Alimpijady-2006, dvuchrazovy čempijon śvietu (2004, 2005) i trochrazovy pieramožca čempijanataŭ Jeŭropy (2004, 2005, 2006) u pary z Taćcianaj Naŭkaj, budučaj žonkaj Dźmitryja Piaskova.
