Fota: French Army, AP
Złučanyja Štaty akazvajuć mocny cisk na svaich sajuźnikaŭ i partnioraŭ na Blizkim Uschodzie, kab jany dapamahli vyhnać PVK «Vahnier» z Sudana i Livii, dzie apošnija hady rasijskija najmity značna pašyryli svaju prysutnaść na fonie bušujučych tam kanfliktaŭ. Pra heta paviedamlaje ahienctva Associated Press sa spasyłkaj na ananimnych miascovych čynoŭnikaŭ blizkaŭschodnich krain.
Pa ich słovach, ZŠA, akramia niadaŭniaha ŭvodu sankcyj suprać Jaŭhiena Pryhožyna i jaho najmitaŭ, usialak imknucca nacisnuć na vajskovych lidaraŭ Sudana i Livii z metaj razryvu ich adnosin z hetaj transnacyjanalnaj złačynnaj arhanizacyjaj, jakaja źjaŭlajecca «cieniavym prydatkam Kramla i Minabarony Rasii».
«Amierykancy ŭvieś čas havorać pra «Vahnier». Heta hałoŭnaja tema na kožnych našych sustrečach», — skazaŭ nienazvany jehipiecki vysokapastaŭleny čynoŭnik.
U adnoj z takich sustreč u studzieni ŭdzielničaŭ dyrektar CRU Uiljam Biorns, jaki, pa słovach miascovych čynoŭnikaŭ, zaklikaŭ jehipieckaje kiraŭnictva dapamahčy pierakanać sudanskich vajskoŭcaŭ pierastać karystacca pasłuhami najmitaŭ «Vahniera» i nie pradstaŭlać im svaju terytoryju dla apieracyj pa ŭsioj Afrycy.
Taksama ŭ studzieni Biorns pravodziŭ takija ž pieramovy ŭ Livii, dzie sustrakaŭsia i z aficyjnym uradam u Trypali, i z alternatyŭnym uradam hienierała Chaftara ŭ Bienhazi. Metaj pieramoŭ było vybić hlebu z-pad noh rasijskich najmitaŭ, jakija mocna nažyvajucca na kanflikcie ŭ krainie.
«Pa słovach miascovych čynoŭnikaŭ, pakul niama dokazaŭ taho, što cisk ZŠA daŭ vyniki i ŭ Sudanie, i ŭ Livii. Kiraŭnik CRU pry hetym zajaviŭ, što starannaja praca ŭ hetaj śfiery praciahniecca i dalej», — paviedamiła ahienctva Associated Press.
Pa infarmacyi amierykanskaj i miascovych blizkaŭschodnich raźviedak, PVK «Vahnier» na praciahu mnohich hadoŭ pasyłała tysiačy svaich najmitaŭ u krainy Afryki dla prasoŭvańnia intaresaŭ Kramla na fonie suśvietnaj uvahi, jakaja pastajanna pavialičvajecca, da vielizarnych resursaŭ i pierśpiektyŭ hetaha kantynienta.
U pryvatnaści, vahnieraŭcy majuć ciesnyja suviazi z sudanskimi vojenačalnikami, jakija zrynuli papiarednija ŭłady Sudana, a taksama ź livijskim hienierałam Chalifam Chaftaram, jaki zasnavaŭ svoj ułasny ŭrad na ŭschodzie Livii i zmahajecca suprać aficyjnych uładaŭ u zachodniaj častcy krainy, jakija padtrymlivajucca AAN.
«U adkaz na heta rasijskija najmity atrymali dostup da livijskich krynic nafty i sudanskich pryiskaŭ zołata, zdabyča i prodaž jakich dazvalaje Rasii ŭzbahačacca ŭ abychod sankcyj», — piša ahienctva.
U ZŠA ličać, što dla źmieny hetaj situacyi nieabchodna admovicca ad pieramoŭnaj pazicyi «Rasija — heta drenna, a ZŠA — zaŭsiody dobra» i prosta prapanavać krainam, jakija supracoŭničajuć z rasijskimi najmitami, bolš karysnuju alternatyvu, bo «Vahnier» — heta ŭsiaho tolki biznes, i jon stanovicca mienš pryvabnym na rynku na fonie bolš vyhadnych prapanoŭ.
Čytajcie jašče:
Kuleba zajaviŭ, što Łaŭroŭ nie zmoh trapić u dźvie afrykanskija krainy
ŚMI napisali, što ZŠA prapanoŭvali Rasii i Ukrainie abmianiać terytoryi na mir
Arabski śviet bolš nie padtrymlivaje dziejańni Rasii
