«Kyky budzie mianiacca, jak my mianiajemsia, ale zachavajem naš styl, pazityŭny paradak… My vybudoŭvajem hrupoŭku aŭtaraŭ. U nas dakładna nie budzie čučał — nam padabajucca niejrasietki dla vizualizacyi našaha kantentu, ale tvitaranie nam padabajucca bolš. My chočam sami vyjści z našaj burbałki, razam źmianić krainu i, moža, paśmiajacca ŭ 2107 hodzie z nas uzoru 2023 hoda», — dekłaruje redakcyja kirunak źmien.
48-hadovy Viktar Mališeŭski z 1996 pa 2006 hod byŭ namieśnikam hałoŭnaha redaktara biełaruskaj «Kamsamołki», u 2006 hodzie zvolniŭsia adtul paśla vyhnańnia z pasady hałoŭnaj redaktarki Julii Słuckaj.
U rozny čas pracavaŭ hałoŭnym redaktaram «Jeŭraradyjo», redaktaram OfficeLife, dyrektaram departamienta kamunikacyj u Alfa-Banku.
Taksama Mališeŭski nabyŭ vialikuju papularnaść jak błohier. U 2016 hodzie jahony błoh pad nazvaj «Antyžurnalist» nabraŭ najbolšuju kolkaść hałasoŭ u naminacyi «Najlepšy ruskamoŭny sajt albo błoh» na mižnarodnym konkursie The Bobs (Best of Online Activism), jaki ładziła miedyjakampanija Deutche Welle. U hetym błohu žurnalist śpiecyjalizavaŭsia na tym, što «suchoj movaj ličbaŭ kamientavaŭ aficyjoz z ekranaŭ Biełteleradyjo».
