Hetym razam jaho abvinavacili pavodle art. 341 i č. 2 art. 205 Kryminalnaha kodeksa. Palitviaźniu dadali da raniejšaha terminu jašče paŭhoda źniavoleńnia. Kančatkovaje pakarańnie Ničyporki — 3,5 hoda pazbaŭleńnia voli ŭ kałonii ahulnaha režymu, paviedamlaje «Viasna».
U vinu Alehu i jašče adnamu chłopcu — Ivanu Katu — pastavili dva epizody: drobny kradziež na leciščy i nadpisy na śmiećcievych bakach ŽKH. Spravu razhladała sudździa Alena Niamkova. Ni haspadary leciščaŭ, ni ŽKH pretenzij nie mieli, ab čym napisali ŭ zajavach u sud.
Pavodle blizkich Aleha Ničyporki, pierad novym sudom chłopiec skazaŭ, što nie vinavaty, ale znoŭ budzie pryznavać vinu, a patłumačyć usio paźniej. Ciapier Aleh Ničyporka znachodzicca ŭ SIZA Baranavičaŭ. Chłopiec kaža, što jamu ŭ SIZA lepš, čym u kałonii.
Nahadajem, što Aleha Ničyporku ŭ 2022 hodzie sudzili pa bolš jak 30 epizodach: za naniasieńnie pratesnych nadpisaŭ pa horadzie, rasklejku listovak, parezanyja dziaržaŭnyja ściahi, a taksama psavańnie ci kradziež kala 20 kamier videanazirańnia dy kradziež ź leciščaŭ. Na pieršych dopytach pryznavaŭ tolki kradziež ź leciščaŭ. Na sudzie chłopiec niekalki razoŭ mianiaŭ pakazańni, śviedčyŭ pra katavańni i cisk na jaho padčas utrymańnia pad vartaj. Paźniej u adnym sa svaich listoŭ rodnym Aleh pisaŭ, što źbirajecca na sudzie pryznać vinu ŭ tym, čaho nie rabiŭ, bo za poŭnaje pryznańnie viny jany paabiacali «chimiju». U vyniku Biarozaŭski sud tady pryznačyŭ jamu try hady kałonii dy pastanaviŭ vypłacić pazoŭ na sumu ŭ niekalki dziasiatkaŭ tysiač rubloŭ.
Padtrymać palitviaźnia možna pa adrasie:
SIZA-6. 225413, h. Baranavičy, vuł. Bresckaja, 258 V.
Alehu Hieorhijeviču Ničyporku.
