Člen Jeŭrakamisii Janiez Lenarčyč i premjer-ministr Polščy Matevuš Maraviecki ŭ čaćvier uračysta adkryli niedaloka ad Varšavy «enierhietyčny chab» ES — łahistyčny vuzieł, praź jaki va Ukrainu buduć pierapraŭlacca ŭ pieršuju čarhu elektrahienieratary.
Słužba hramadzianskaj abarony i humanitarnaj dapamohi Jeŭrasajuza (rescEU) u pres-relizie ab adkryćci chaba nahadvaje, što dastaŭku hienierataraŭ va Ukrainu budzie całkam apłačvać Jeŭrasajuz.
U chabie budzie stvorany zapas hienierataraŭ, jakija buduć pierapraŭlacca va Ukrainu pa miery nieabchodnaści.
«Pakolki Rasija praciahvaje naŭmysna bić pa hramadzianskich celach, hety zapas u chabie rescEU stanie dla Ukrainy žyćciova važnaj krynicaj pastavak u nadzvyčajnych situacyjach u enierhietycy», — napisaŭ u tvitary jeŭrakamisar Janiez Lenarčyč.
