Alaksiej Limonaŭ — biełaruski hrafičny dyzajnier i ilustratar. Jon skončyŭ Akademiju mastactvaŭ pa śpiecyjalnaści «Hrafičny dyzajn». Šmatrazovy ŭładalnik uznaharod mižnarodnych konkursaŭ ZŠA i Jeŭropy. Aŭtar abnoŭlenaha łahatypa Nacyjanalnaha mastackaha muzieja Biełarusi, a taksama ich prajekta z art-maskami.
Jašče letaś Limonaŭ atrymaŭ premiju World Brand Design Society Awards (Łondan), jakoj adznačajuć u tym liku ŭdałyja raspracoŭki ŭ kamiercyjnym dyzajnie pa ŭsim śviecie. Tady jon atrymaŭ dva «srebry» za ŭpakoŭku prajekta MoDo Alice ad kampanii MODUM i za prajekt upakovak Art Sponges.
A pa vynikach 2022 hoda prajekt Alaksieja atrymaŭ adrazu dva «zołaty» ŭ naminacyjach «Dyzajn upakovak» i «Firmovy styl» za prajekt upakoŭki dla brenda EazzyPizzy (kreatyŭnym dyrektaram pracy vystupiŭ Jaŭhien Vysata).
«EazzyPizzy — heta dastaŭka straŭ i napojaŭ ad sietki kaviarań «Šakaładnica», — raskazvaje dyzajnier. — Hałoŭnaja ich fiška — miks smakavych spałučeńniaŭ. U firmovym uzory možna ŭbačyć kavałačak picy z apielsinam, šaryki marožanaha z tamatam, płaŭleny syr i sałodki krem, truskałku i salami».
Čytajcie taksama:
«Z kim tam žyć? Ź jabaćkami?» Voś što kažuć biełarusy, jakija źjechali, na prapanovu ŭładaŭ pakajacca i viarnucca
Kvaterazdymka: voś jaki instahramny interjer zrabiŭ Minski dyzajnier dla maładoj ajcišnicy
mnie taksama nie padabajecca heta ŭpakoŭka - alapavata - a-la žostaŭskija padnosy