Fota: Maxar technologies
Jašče niadaŭna, nahadvaje NYT, prezident Uładzimir Zialenski adkryta kazaŭ, što nie ŭpeŭnieny, ci kaštavała baraćba za dva razburanyja harady Sievieradanieck i Lisičansk žyćciaŭ kala 100 ukrainskich vajskoŭcaŭ u sutki.
Ale ciapier abarona Bachmuta, taksama mocna razburanaha, stała dla Ukrainy simvałam nacyjanalnaj baraćby z akupantami.
Pa słovach analitykaŭ, taktyčnaja kaštoŭnaść Bachmuta vyklikaje vialikija sumnievy, ale ciapier hetaja bitva — samaja praciahłaja za ŭvieś čas vajny — maje vialikaje stratehičnaje značeńnie dla abodvuch bakoŭ.
Patavaja situacyja na hetym učastku frontu prymušaje ŭkrainskuju armiju mianiać stratehiju.
U inšych bujnych bitvach hetaj vajny, piša vydańnie, USU ŭdavałasia paźbiahać pramych sutyknieńniaŭ, udała manieŭrujučy i vykarystoŭvajučy pradastaŭlenuju Zachadam zbroju dalokaha dziejańnia, kab prymusić Rasiju adstupić.
Ciapier ukrainskamu kamandavańniu davodzicca prystasoŭvacca da novych realij, prapanavanych praciŭnikam, a mienavita — da rasijskich mas žyvoj siły, jakija iduć u łabavyja ataki.
U horadzie, nasielnictva jakoha da vajny składała kala 100 tysiač žycharoŭ, na hety momant zastajecca kala 7 tysiač čałaviek.
Ale dla Rasii, jakaja daŭno nie demanstravała nijakich bujnych dasiahnieńniaŭ na frantach, uziaćcie Bachmuta maje vialikaje psichałahičnaje značeńnie, pišuć ekśpierty NYT.
znamienitoje russkoje "trupami zakidať" i "baby jeŝie narožajut"
i čiem žie otviečajet ukrainskoje komandavanije? po chodu tiem žie
https://d16gbq1owzocfa.cloudfront.net/307244