Fota: pixabay.com
Jehipiet — ad 2700 rubloŭ na dvaich
Tradycyjna samym papularnym i dastupnym varyjantam dla biełarusaŭ źjaŭlajecca Jehipiet. Cana pucioŭki ŭ Šarm-El-Šejch na dvaich pačynajecca ad 2700 rubloŭ — heta sistema «ŭsio ŭklučana» i 11 načej u hateli. Apošni, darečy, trochzorkavy i mieścicca na treciaj bierahavoj linii.
U siarednim adpačynak u Jehipcie abydziecca ŭ 3500 na dvaich čałaviek, kali abirać pieršuju bierahavuju liniju i hatel ad čatyroch zorak. Termin padarožžaŭ składaje 11 dzion, bo napramuju zaležyć ad čartaraŭ «Biełavija», jakija praciahvajuć latać u hetuju ciopłuju krainu.
A što nakont rejsaŭ ź Vilni ci Varšavy? Na žal, łaŭkosty ŭ Jehipiet nie latajuć ni z Polščy, ni ź Litvy, bieź niekalkich pierasadak nie patrapić i na rehularnych rejsach. Kvitok Varšava — Šarm-El-Šejch kaštuje ad 70 jeŭra, ale ŭ darozie pryjdziecca pravieści ad 13 da 17 hadzin. Palacieć na jehipiecki kurort ź Vilni kaštuje na niekalki jeŭra daražej, a daroha zojmie ad 9 da 14 hadzin — taksama z adnoj pierasadkaj.
AAE: tydzień u Dubai — 9 tysiač rubloŭ
Praciahłaść adpačynku ŭ Emiratach — tydzień, bo čartary ź Minska lotajuć čaściej, čym u Jehipiet. Takaja pajezdka abydziecca minimum u 4500 rubloŭ na dvaich — taksama pavodle sistemy «ŭsio ŭklučana» i z pražyvańniem u trochzorkavym hateli ŭ Šardžy.
Kali abirać siaredni varyjant z hatelem na pieršaj bierahavoj linii, to treba zapłacić ad 5500 rubloŭ. A kali chočacca mienavita ŭ Dubaj, to varta aryjentavacca na 9000 i bolš na dvaich za tydzień.
Cana pramoha pieralotu ŭ Emiraty z polskich Katavice i Krakava pačynajecca ad 158 jeŭra na čałavieka ŭ adzin bok. Ź Vilni pramych pieralotaŭ niama, kvitok z adnoj pierasadkaj abydziecca minimum u 182 jeŭra, daroha zojmie ad 8 hadzin.
Siejšeły: doŭhaja pierasadka i zavobłačnyja ceńniki
Nastupny prypynak — Siejšelskija astravy, pajezdku na jakija mohuć dazvolić sabie daloka nie ŭsie. Minimalny ceńnik ad biełaruskich turahienctvaŭ — amal 13 000 rubloŭ na dvaich, i heta jašče sa źnižkaj. U canu ŭklučanyja pieraloty ź pierasadkaj u Stambule, pražyvańnie ŭ trochzorkavym hateli, śniadanki.
Pramych rejsaŭ na astravy ź Litvy i Polščy taksama niama. Najtańniejšym budzie kvitok z polskaha Katavice — ad 268 jeŭra na čałavieka ŭ adzin bok. Cana kvitka ź Vilni pačynajecca ad 366 jeŭra. U abodvuch vypadkach patrebna pierasadka ŭ Stambule.
Tajłand: siaredniaja cana — 12-13 tysiač
Tury ŭ Tajłand pačynajucca ad 11,5 tysiačy rubloŭ za dvaich — heta adpačynak na 7 načej u troch— i čatyrochzorkavych hatelach u Pchukiecie sa śniadankami abo biez charčavańnia. Pieralot — ź pierasadkaj u Stambule. U zaležnaści ad taŭščyni kašalka pucioŭki možna vybrać roznyja: ažno da 80 tysiač rubloŭ, ale siaredniaja dobraja cana 12—13 tysiač.
Z Polščy i Litvy spatrebicca pierasadka ŭ Stambule, tamu žycharam hetych jeŭrapiejskich krain da vosieni treba brać kvitok da tureckaha horada, a adtul užo da žadanaha kurorta. Čas u darozie razam ź pierasadkami — ad 14 hadzin u adzin bok.
Na rejsach adnaho pieravozčyka (ale taksama ź pierasadkaj) z Polščy i Litvy dabracca ŭ Tajłand možna budzie tolki z kastryčnika. Tady z Polščy ŭ Pchukiet i nazad možna źlatać za 551 jeŭra i daražej, a ŭ Banhkok i nazad — minimum za 539 jeŭra. Anałahičnyja pieraloty ź Litvy i nazad abyducca ŭ 639 i 631 jeŭra adpaviedna.
Indaniezija: dźvie nočy ŭ darozie, minimum 10 tysiač rubloŭ
Amal 10 tysiač rubloŭ na dvaich — sama mieniej takuju sumu treba mieć, kab pajechać u adpačynak na Bali. Biełaruskija turapieratary prapanujuć tydniovy adpačynak (dźvie nočy pryjdziecca pravieści ŭ darozie). Možna abrać, ci patrebny śniadanak, abied i viačera — adpaviedna, cana budzie raści.
Najdaražejšy varyjant, jaki my znajšli, kaštuje krychu bolš jak 14 tysiač rubloŭ — 7 načej u hateli na pieršaj bierahavoj linii piasčanaha plaža.
Źlotać u Indanieziju ź Litvy kaštuje minimum 690 jeŭra tudy i nazad, z Polščy — 643 jeŭra. Znoŭ ža, pramych rejsaŭ z hetych krain (jak i ź Biełarusi) nie isnuje — spatrebicca pierasadka ŭ Stambule i vytrymka.
Maldyvy: samaja darahaja pucioŭka — 16 tysiač na tydzień
Minimum 12 tysiač rubloŭ spatrebicca dla kupli tydniovaj pucioŭki na Maldyvy na dvaich. Pražyvańnie ŭ čatyrochzorkavym hateli z krokavaj dastupnaściu da plaža i sa śniadankami, pradkazalnaja pierasadka ŭ Stambule pry pieralocie. Bolš jak 16 tysiač budzie kaštavać samaja darahaja pucioŭka na toj ža termin.
Kvitki Varšava — Maldyvy — Varšava startujuć ad 411 jeŭra, anałahičnyja ź Vilni i nazad — ad 458 jeŭra. Znoŭ ža, čakajuć pierasadki.
V čiem smysł takoho sravnienija?