«Da pačatku poŭnamaštabnaha ŭvarvańnia kolkaść nasielnictva składała kala 330 [tysiač čałaviek]. Ciapier — pryblizna 60—70 tysiač zastałosia», — zajaviŭ Pleciančuk.
Jon adznačyŭ, što siarod tych, chto zastaŭsia ŭ horadzie, jość sacyjalna nieabaronienyja i małamabilnyja ludzi, i zaklikaŭ nasielnictva źjazdžać z Chiersona, bo jon pastajanna padviarhajecca abstrełam.
«Jość i tyja, chto prosta zastajecca, tamu što ličyć heta normaj. Adnak my zaklikajem u čarhovy raz pry nahodzie, pry mahčymaści vyjazdžać pakul što z horada Chiersona, tamu što biaśpiečnych łakacyj u Chiersonie ciapier niama», — skazaŭ Pleciančuk.
Chierson byŭ adzinym abłasnym centram, akupavanym rasijskim vojskam paśla pačatku poŭnamaštabnaha ŭvarvańnia. U listapadzie Uzbrojenyja siły Ukrainy vyzvalili jaho razam sa značnaj častkaj Chiersonskaj vobłaści na pravym bierazie Dniapra.
Rasijskija vajskoŭcy praciahvajuć kantralavać levabiarežnuju terytoryju ad Chiersona da Azoŭskaha i Čornaha mora. Chierson uvieś čas padviarhajecca artyleryjskim i rakietnym abstrełam.
