Fota: sacsietki
«Słucki syrarobny kambinat»
Kaŭbasy, majanez, syr, masła, dva kiłahramy cukierak — taki navahodni padarunak skłali rabotnikam «Słuckaha syrarobnaha kambinata». U dadatak vydali i siertyfikat na 50 rubloŭ.
Takim prezientam pachvaliłasia žonka rabotnika pradpryjemstva ŭ tyktoku.
Kamientatary pazajzdrościli: «Šancuje ludziam, nie toje, što nam».
«Babulin harłačyk»
Nie adstaŭ ad słuckich syravaraŭ i małočny kambinat z Mahilova «Babulin harłačyk». Tam taksama rabotnikam razdali charčovyja pakiety.
Na videa rabotnica pakazvaje, što atrymała kaŭbasu, makaronu, a taksama niekalki najmieńniaŭ charčoŭ, vyrablenych kambinatam.
«Śviatočny stoł amal hatovy, čahości tolki nie chapaje, — adreahavała na ŭbačanaje adna z padpisčyc. — Kiraŭnictvu reśpiekt. U nas z hetym zusim sumna».
«Nu, viadoma ž, dajarkam takija nie dali…. Pierapracoŭka ŭsie viarški zdymaje…» — pažaliŭsia ŭ kamientarach inšy čałaviek.
Pradpryjemstva «Paleśsie»
Svaim padarunkam pachvaliłasia i rabotnica pradpryjemstva «Paleśsie», jakoje vyrablaje dziciačyja cacki z płastmasy.
U charčovym nabory sok, syr, kaŭbasa, cukierki i inšaje smakoćcie.
«Nu, choć chtości zadavoleny padarunkam ad arhanizacyi», — prakamientavaŭ rolik adzin z hledačoŭ.
«Dy bzdura hetyja padarunki, hałoŭnaje, kolki płaciać. Tut prykładna 1,5 hadziny majoj pracy», — nie vytrymaŭ nastupny kamientatar.
Pradpryjemstva «Marka»
Viciebskaje abutkovaje pradpryjemstva «Marka» ździviła rabotnikaŭ dvuma pakunkami cukierak, padarunkavym siertyfikatam na 80 rubloŭ i jašče 250 rublami hatoŭkaj.
«A nam ničoha. Vychavalnicy. Minsk. Było b zdaroŭje. Bieražycie siabie i svaich blizkich», — prakamientavała adna z hladačak.
«Ja taksama pracuju na «Marka», ale mnie dajuć tolki siertyfikat, padarunki dzieciam, a hrošy nie dajuć», — aburyłasia kaleha aŭtarki videa.
«Ceły hod pracavać za 550—600 z premijaj, lepš užo atrymlivać u 3 razy bolš i samomu kupić padarunki», — reahujuć inšyja.
Biełaruskaja čyhunka
Navahodnija padarunki dzieciam rabotnikaŭ biełaruskaj čyhunki bolš ścipłyja.
U pakunku šakaład, cukierki i niekalki zabavak. Jašče dali siertyfikat na 25 rubloŭ.
Razam z Novym hodam pradpryjemstva adznačaje svajo 160-hodździe.
«Homielski domabudaŭničy kambinat»
Cukierkami i siertyfikatam na 80 rubloŭ paradavaŭ pracaŭnikoŭ «Homielski domabudaŭničy kambinat».
Jak vyhladaje padarunak pakazała žonka rabotnika.
«Połackškłovałakno»
Rabotniki hetaha pradpryjemstva adznačać Novy hod z cukierkami, kaŭbasoj, kansiervavanaj rybaj dy sadavinoj i harodninaj.
«Kali b z babłom nas tak nie kinuli, to zusim narmalna było b», — źjezdliva prakamientavaŭ ubačanaje adzin z karystalnikaŭ.
«Biełaruśkalij»
Dziaciej rabotnikaŭ pradpryjemstva pavinšavała naboram cukierak u valizcy, rasfarbavanaj zimovym piejzažam.
Padarunak dzieciam rabotnikaŭ «Biełaruśkalija». Skrynšot: fota z sacyjalnych sietak
U sacyjalnych sietkach tyja, chto zastaŭsia biez padarunkaŭ, aburajucca.
«Tut havorka idzie pra toje, što dzicia atrymaje padarunak tolki ŭ tym vypadku, kali chodzić u sad «Biełaruśkalija». A kali dzicia jašče ŭ jaho nie chodzić, to padarunak nie daduć?» — niezadavolena pytajecca ŭ adnym z dopisaŭ žančyna.
Blašanyja škatułki, da krajoŭ napoŭnienyja cukierkami, padaryli i darosłym — supracoŭnikam i piensijanieram.
Salihorskaja piensijanierka z padarunkam ad «Biełaruśkalija». Fota: esoligorsk.by
«Viciebski zavod traktarnych zapasnych častak»
Dziaciej rabotnikaŭ viciebskaha pradpryjemstva prafkam pavinšavaŭ cukierkami kandytarskaj fabryki «Kamunarka». U kožnym padarunku — pa 1,5 kiłahrama słodyčy.
Navahodnija padarunki dzieciam rabotnikaŭ «Viciebskaha zavoda traktarnych zapasnych častak». Fota: traktor.bieł
U katałohu «Kamunarki» taki nabor cukierak kaštuje 30 rubloŭ.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Cud na Kalady. Biełarusy sabrali hrošy na padarunki 184 dzieciam palitviaźniaŭ
Kala minskaha Pałaca sportu pastavili rycarskaje miastečka i atrakcyjony
Jak zrabić dobry padarunak?
