Pavodle ŭmoŭ konkursu, z 20 śniežnia da 7 studzienia treba niešta kupić na hałoŭnym staličnym rynku, paśla zrabić fota z pradaŭcom, raźmiaścić fatahrafiju ŭ storys i zarehistravacca na @komarovka.by.
Taksama arhanizatary prosiać adznačyć u kamientarach pad postam siabroŭ z chešteham #vnovyjhodskomarovkoj, a jašče padpisacca na akaŭnt @komarovka.by. Važna, kab akaŭnt byŭ adkrytym.
Vyniki konkursu padviaduć u žyvym efiry akaŭnta 7 studzienia z dapamohaj prahramy vypadkovaha hienieratara ličbaŭ.
Uładalnik pieršaha miesca atrymaje 23 kh harodniny, za druhoje miesca ŭručać 23 kiło sadaviny, a za treciaje — 23 kh sała.
Darečy, padobny rozyhryš dla pakupnikoŭ Kamaroŭka pravodzić nie ŭpieršyniu. Tak u 2018 hodzie rynak taksama ŭručyŭ sała samamu aktyŭnamu padpisčyku ŭ Instagram. A ŭmovaj pieramohi było samaje kreatyŭnaje fota kampazicyi z kavałkaŭ sała ź miasnoj prasłojkaj ź jołačnymi cackami. Praŭda, pamier smačnaha pryza byŭ kudy bolš ścipły — usiaho 10 kiłahram.
